KOHHRANTE TANA HRIATTUR PAWIMAWH: 20th December, 2020
1. Krismas Booklet (Sermon leh Report) Kohhranin a buatsaih chu chhung tinte lo chhiar turin sem mek a ni a. Hei hi tangkai taka hmang theuh turin chhung tinte kan inngen e.
2. Christmas Cake in lo dawn ngei kan beisei a, dawng lo palh kan awm chuan Bialtu hnenah sawi/hriattir ni thei se, a pek leh dan kan rawn ngaihtuah thuai dawn nia.
3. A huhova ruai theh a rem loh avangin vawksa chhum sa chhung tinah sem tum a ni a. 26th Dec,2020 Dar 2:30 - 3:30 PM inkarah a hnuaia tarlan hmunahte hian mahni remchanna laiah lo ngaihven ni thei se a lawmawm hle ang.
Chapman Colony tan: CHDK mual, Pu Zabiaka Colney kawt, Pi K.Rothuami kawt, Upa LH Liandinga kawt.
Lorrain Colony tan: TUV, Bialtu Pastor Quarter, Upa F.Aihranga in bul, Damdawi in bul, BCM Office bul.
Savidge Colony tan: Upa K.Zathuama in bul, Pi H.Lalhmuaki in bul, Pu V. Lawmsanga in bul.
Chhungkuaa vawksa ei lote pawh awm theih a ni a. Chungte tan chuan artui chhum pek tum a ni a. Chu bakah KNP te tan artui chhum pek tum a ni bawk e.
A tui leh tui loh emaw, kan ei ngai leh ngai loh lam emaw ni lovin, Krismas ruai kilho anga inngaia hlim taka kan chanho hi a tul lai ber a ni tih hriaa lo dawngsawng theuh turin kan insawm a ni e. Tin, kan kohhran member ni lote leh Non-Christian-te pawh vawksa ei chi an nih chuan hmaih bik lova sem vek tum a ni a, mahni in luahtute pawh kan lo bengvarpui theih chuan a lawmawm khawp ang.
A hun dawn tak takah inhriattir thar leh dan kan ngaihtuah dawn nia.
4. Krismas leh Kum thar Ni hian Biak in tlawh duhte tan tlawh theih turin Biak in hi nilengin hawn a ni ang. Amaherawhchu, kan Biak in hi zahawm leh thianghlim taka vawn a nih theih nan fimkhur tlang theuh turin kan inngen nghal bawk e.
5. December 24 zan, Ni 25 zan, 31 zan, zanlai leh January 1 zanahte thuchah thuhmun ngaithlaa chhung tinte inkhawm mahni inah theuh nei leh turin kan inbeisei a. Biak in dar vuak a ni ang a, 6:30 PM-a inkhawm tan turin 6:15 PM-ah vuak tan a ni ang. Kohhrante hlim taka Krismas hmang turin duhsakna kan hlan a che u.
INKHAWM PROGRAMME
STK Thuhla hriattirna group hi chhung tin atangin 1 in join thei ila kan duh hle a. A la join lote join zel turin kan inngen e. Chutih laiin chhungkhata member 1 aia tam kan awm chuan midang kian turin kan leave mai dawn nia.
(LALRINMAWIA)
Secretary
Serkawn Tualchhung Kohhran.