KOHHRANTE TANA HRIAT TUR PAWIMAWHTE: 7th March 2021
1. March, 2021 Deacon-te: Upa Vanlallawma Poonte- Leader, Upa Jonathan Lalremruata, Upa P.Lianngura, Rbt. Vanlalruata Kawlni, Rbt. Eric R.Zomuanpuia.
2. Kan kohhran member damlo mi 10 kanna atan R&D Account atanga pek turin Rs 10,000/- ruahman a ni.
3. Pulmari, West Bengal Field-a Missionary Quarter-a tuichhunchhuah siam nan Rs 10,000/-leh Septic tank siam nan Rs 20,000/- (a vaiin Rs 30,000/- ) STK Mission Account atangin pek ni se tih a ni.
4. Rekhachapori, Arunachal West Field-a Biak in repair nan Rs 50,000/- STK Mission account atangin pek tura rel a ni bawk.
5. Missionary 2 : Zonunpuii w/o K.Lalzuimawia, Arunachal East Feld, hnute cancer leh F. Lalhmuchhuaka ET, Patkijuli, thluaka thisen zam chat te chu Rs 5,000/- ve vein STK Mission Account atangin tanpui ve ni se, tih a ni.
6. Bhutan Field missionary quarters sak nan leh Assam field-a Debitola Mission quarter repair-na turin a vaiin Rs 400,000/- mamawh a ni a. Khawpui chhung kohhran 10 hnenah ngenna an siam angin kan kohhran pawh Rs 40,000/- pe ve turin min beisei a. Hei hi STK Mission account atang bawkin pek ve ni se, tih a ni.
7. Thunun ngai: Kan kohhran member C.Lalruatfeli d/o Pu C.Lalhmingmawia Chapman Colony chu nulat tlangvalnaah chesualin nau a pai a. March 6,2021 atangin a chungah thununna nghatin phuar a ni. Thunun a nih chhungin rawngbawlna langsarah leh Lalpa zanriah sacrament-ahte tel a rem rih lo vang.
8. Kohhran member tharte: (i) Upa Lalnuntluanga te chhungkua member 4 chu BCM Pangzawl Venghlun atangin Lorrain Colony, Serkawnah Upa R.Lalsawma Building-ah an rawn awm thar a. Anni chhungkua hi Serkawna an awm chhungin kan kohhranah Temporary member atan lawm takin lak luh an ni. (ii) Pi R.Lalruatkimi techhung member 6, Pu PC Lallawmkima te in ,Savidge Colony-a awmte chu PCI atangin kan kohhranah member nghet ni turin lawm takin pawm an ni a. Kohhran inkhawm hun remchang hmasa ber 14.3.2021-ah lawm luh tura beisei an ni.
9. Pathianni Inkhawm chungchang: 14.3.2021 (Pathianni ) atang hian zing inkhawm hi neih ve tawh ni se, tia rel a ni a. A theih ang tawka SOP zawm chungin zing dar 10:00-ah inkhawmna hi neih a ni ang. SOP implementation Committee atan STK Programme Committee leh STK Office Bearers te ruat an ni a. Anni hian F.O. ten Sunday chawhnu lam hun an hman dan turte pawh an rawn ruahman zui dawn a ni.
10. Pathianni leh (14.3.2021) hi Kohhrante Pathian ram thilpek Envelope chhiar leh hun tur a ni a. Inkhawm tawh tur a nih dawn avangin envelope hi chhung tinin Biak inah keng khawm tawh tura beisei kan ni e. Tin, Envelope pangngai rual hian Biak In sakna tur Special appeal buatsaih a ni bawk a. Thahnemngai taka Biak in sak nana kan theih ang angte pe leh turin kan inngen bawk. Chhung tinin Kohhran envelope pangngai chhungah special appeal envelope kha kan thun lehchhawng theuh dawn nia.
MAIN PAGE
STK Thuhla hriattirna group hi chhung tin atangin 1 in join thei ila kan duh hle a. A la join lote join zel turin kan inngen e. Chutih laiin chhungkhata member 1 aia tam kan awm chuan midang kian turin kan leave mai dawn nia.
(LALRINMAWIA)
Secretary
Serkawn Tualchhung Kohhran.