KOHHRANTE TANA HRIATTUR PAWIMAWH: 6th December, 2020
1. Kan kohhran member ve ve Lalthanzuala Pachunu s/o Upa P.Lianngura leh Saichampuii Sailo d/o Pu Lalnuntlanga Sailo te chuan kohhran Dan puitlinga inneih an duh a; a rem lohna hria chuan sawi theih a ni. Vawiin December 06, 2020 hi vawi 3 kan puanna a ni. An inneih hnuah chuan tu mahin sawi a rem tawh lo vang. Anni hi December 9,2020 hian kan kohhran Biak inah an innei dawn a Covid-19 hripui avanga Sorkarin inneih inkhawm 35 bak a phal loh avangin intawiawm hleih theih a ni lo va. Inneihna tluang taka buatsaih a nih theih nan kohhranten i tawngtaipui theuh ang u.
2. BCM Diary Rs 150, Planner Calendar Rs 100, Spiral Calendar Rs 50-in a duh tan Biak in enkawltu hnenah lei theih a ni e.
3. Pathianni leh (13/12/2020) hian Pathian ram tana thilpek envelope-a kan pekte chhiar leh tur a ni a, tun kar chhungin Bialtuten mahni Bialan rawn fang leh hlawm dawn a, kan lo inrin lawk theih nan kan inhriattir lawk a ni e.
4. December Buhfaitham Rs 106,760/- a ni. Thahnemngaia Buhfaitham rawngbawlna buaipuitute leh phal taka thawhtu zawng zawng chungah lawmthu kan sawi e.
5. Kumin Krismas-ah ruai theh theih a nih dawn loh avangin chhung tin hnenah vawksa chum sa sem tum a ni a, thil dang kohhran pum huap te, KNP lam bik tana ruahmannate pawh siam a ni a, a tulang zelin kan la tarlang zel dawn nia.
6. Kum thar mual programme pawh Covid 19 avangin neih loh mai ni se, tih a ni.
7. December 21 leh 24 zanahte hian Dar 8-8:45 chhungin Christmas Carol buatsaih tum a ni a. He programme hi Serkawn Tualchhung Kohhran YouTube channel atangin LIVE-a tihchhuah a ni ang a, chhung tinten kan phone hmanga lo thlira he hun hi mahni in atanga lo zawm theuh turin kan insawmin kan inhriattir lawk a ni.
8. R&D committee account atangin tun thla chhungin kan Kohhran member Damlo kanna te, taksa leh rilu lama rual ban lo chhawmdawina tur te, chhungkaw harsa zual tdanpuina tur te, chhanchhuahna Centre hrang hrang tanpuina tur te, Hriasel lohna leh thil dang vanga tanpuina pek tur atan Rs 178,000/- (Nuai khat sing sarih leh sang riat ) a ruahman a. Kan kohhran member kum 75 tling chin mi 35 te hnenah lawmpuina thilpek hlan turin a ruahman bawk.
9. Lalthakima, Pu J.Lalengkima te fapa BCM Chaltlanga Permanent member chu Serkawna a lo awm chhung atan kan Kohhran Temporary member atan lakluh a ni.
10. Kan kohhran member-te (1) Hmingthansanga s/o Upa Lalbiakthanga Chawngthu (2) K.Lalnunpuii d/o Pu K. Zokailiana, Mipat hmeichhiat naah an chetsual avangin 5.12.2020 atangin an chungah thununna nghatin phuar an ni.
11. F.O. Hruaitu Thlan: Dec 08,2020 hian BCM Administrative Committee-in hemi chungchang hi a rel dawn a. Chu chu ngaihchan phawt ni se. 13.12.2020 Kohhran thawhlawm chhiarnaah la tihfel atan dah a ni. Chuvangin 13.12.2020-a inthlanna neih tura lo ruat tawh chu a theih dawn ta rih loh tih kan inhriattir nghal e. Thu puan tur a tam duh deuh a, heng baka tulte chu tun tumah kher lo, tun kar chhung hun remchangahte pawh Kohhran thuhla hriattima Group atang hian rawn belhchhah leh kan tum dawn nia.
STK Thuhla hriattirna group hi chhung tin atangin 1 in join thei ila kan duh hle a. A la join lote join zel turin kan inngen e. Chutih laiin chhungkhata member 1 aia tam kan awm chuan midang kian turin kan leave mai dawn nia.