KOHHRANTE TANA HRIATTUR PAWIMAWH: 4th October, 2020
1. Kan khawvelin harsatna lian tak a tawk mek a, Covid19 avangin kohhran hote kan tih thin angin Pathian Biak inah kan inkhawm theilo a. Hemi chhung hian Kohhran chhung tinte mahni in lama chhungkua a Pathian chibai bukna tha tak nei turin kan in ngen a ni. Pathianni Zing Programme phei chu kan kohhrana chhungtin te'n a inang tlanga kan hman tur programme kan han siam a, chhungkaw tam takin tha takin in hmang thin tih kan hria a, tha taka hmang ṭheuh turin kan inngen a ni.
2. Pathianni leh 11 Oct, 2020 hi Pathian ram Envelope lakkhawm hun alo ni leh ta a, chhungtin te kan inhriattir a ni e. Mahni Bialtu theuh ten an rawn lakhawm leh dawn a ni. Chawhnu dar 1:30 ah Biak in hall ah chhiar fel tur a ni a, hetah pawh hian a theh luh theih a ni.
3. Kan Kohhran member K.Lalrindika, Upa K.Zathuama fapa leh BCM Rahsiveng kohhran member R.Lalthansangi, Upa Sangchungnunga fanu chuan Kohhran Dan Puitlinga inneih an duh a. A rem lohna hria chuan sawi theih a ni. Vawiin October ni 4 Pathianni hi vawi thum kan puanna a ni. An inneih hnuah chuan tu man a sawi theih tawh lo vang.
4. A hnuaia mi 4 te hi kan Kohhranah temporary member atan lawm takin lakluh an ni e
1. RK Lalrinngheti c/o Pu R.Lalhlimpuia, Chapman Colony.
2. PC Lalmuankimi c/o Pi H.Sapdengi, Lorrain Colony
3. Thelma Lalngaihzuali c/o Pu Lalduhsaka Pautu, Lorrain Colony
4.B.Rochharmawii c/o Pi F.Lalnunmawii Savidge Colony.
5. Serkawn Pastor Bial inkhawmpui rorelna hrang hrang a hnuaia tarlan ang hian BCM Ramzotlang Biak inah tluang taka neih fel a ni : (i) Bial TKP- 26.9.2020 (Inrinni) (ii) Bial BKHP- 1.10.2020 (Ningani) (iii) Bial BMP- 2.10.2020 (Zirtawpni) (iv) Bial Kohhran - 3.10.2020.
5. Serkawn Pastor Bial chhunga kohhran hrang hrang member awm dan Bialtu Pastor report helai hian a download theih e.
STK Thuhla hriattirna group hi chhung tin atangin 1 in join thei ila kan duh hle a. A la join lote join zel turin kan inngen e. Chutih laiin chhungkhata member 1 aia tam kan awm chuan midang kian turin kan leave mai dawn nia.
(LALRINMAWIA)
Secretary
Serkawn Tualchhung Kohhran.