KOHHRANTE TANA HRIAT TUR PAWIMAWHTE:4th July ,2021

Audio

Vawiin Mission Sunday-ah hian Kohhran member zawng zawngte kan Lalpa Isua Krista hmingin chibai kan bûk che u a; Kohhrante tâna hriat tûr pawimawh i lo târlang leh ang u.
1. Pathianni leh(11/7/2021)-a thuchah sawitu tûr chu Rbt.C.Lalchawimawia a ni ang.

2. Zirtawpni khan STK aiawhin STK Office Bearers meeting neih a ni a, Kohhran ten kan hriat tlân tur pawimawh deuhte chu:
i. Kan kohhran member damlo mi 6 te kan nan Rs 8,000/- ruahman a ni.
ii. Taksa leh rilru lama rual ban lo mi 8 chhawmdawl nan Rs 16,000/-ruahman a ni.
iii. Harsatna zual bik, hrisel lohna leh thil dang avanga tanpui ngai mi 9 tan Rs 18,000/- pek tura tih a ni.
iv. Chhungkaw harsa zual 20 te tanpuina atan Rs 70,000/- pek tura rel a ni.
v. School admission fee mi 4 tan pek sak tura rel a ni a, a amount hemi a tan Rs 10,500/- a ni.
vi. Kan member Chhawmdawlna ina thla 3 awm man atan Rs 2,100/- pek sak ni se, tih a ni.
vii. Lunglei khawpui chhungah tun dinhmuna Covid-19 avanga harsa leh buai zual deuh 3- Venglai, Rahsiveng leh Chanmari VLTF te hnenah tanpuina Rs 10,000/- theuh pek ni se, tih a ni a, pek fel nghal a ni.
viii. TNT Muanna Veng, Aizawl tanpui nan Rs 100,000/- (nuai khat) pek ve ni se, tih a ni a, niminah pek fel nghal a ni.
Kan kohhran hian kawng hrang hrangin malsawmna kan dawng a. Tun tumah pawh Lalpan kohhrante hi thilpek hmanga mamawhtute hnenah luang chhuak thei tura min buatsaih leh avang hian lawm thu sawi hi kan tih tur a ni ngei ang.

3. Covid hripui avanga hun rei tak kohhrante inkhawm thei lova kan awm hnuin Sorkarin mi 30 chin tan zing tawngtai inkhawm a rawn phalsak leh ta a. July 2,2021 atang khan kan kohhranah pawh inkhawmna neih ve leh nghal a ni.

4. Kan Kohhran member LP Lalrinchhana, s/o Rev.Dr.Lalzarliana leh K.Hmingthansangi d/o K.Lalrinmawia, PCI member Keifang te Dan puitlinga innei tura vawi 3 kan puan tawh chu Covid hripui avangin a hun ruat 13.5.2021 ah inneih buatsaih hleih theih a ni ta lo va. Tun kar Ningani (8.7.2021) chawhnu dar 1:00 -ah hian kan Kohhran Biak inah an innei dawn tih kohhrante kan inhriattir a, Biak in dar a rik hunah pawh kan lo hre thiam dawn nia.

5. Tukina thusawitu tur hi Upa C.Lalzarmawia a ni a, Pathian thuchah kan ngaihthlak turte sawtpui nana hmang theuh turin kan induhsak e.

MAIN PAGE

STK Thuhla hriattirna group hi chhung tin atangin 1 in join thei ila kan duh hle a. A la join lote join zel turin kan inngen e. Chutih laiin chhungkhata member 1 aia tam kan awm chuan midang kian turin kan leave mai dawn nia.

Whatsapp Link


(LALRINMAWIA)
Secretary
Serkawn Tualchhung Kohhran.