SERKAWN TUALCHHUNG KOHHRAN

CHANCHIN THA MI TIN TAN

PROGRAMME






KUM HLUI THLAH ZANLAI INKHAWM PROGRAMME

11:30 ZANLAI, 31st December, 2020

PROGRAMME:




Kohhrante Hriat Tur Pawimawh

MISSIONARY-TE KUMTHAR CHIBAI

TAWNGTAI RUALNA

    Tawngtaina a Hriat Turte
  1. PATHIAN HRUAINA LEH AWMPUINA AVANGA LAWMTHU SAWINA
  2. PATHIAN HNENA KAN SUAL AVANGA THUPHA CHAWINA
  3. THINLUNG LEH TIH TAKZETA PATHIAN HNENA INHLANNA.
  4. PATHIAN HRUAINA LEH AWMPUINA DILNA
  5. KUM THAR AMAH NENA LENG DUN TURA THLARAU THIANGHLIM TANPUINA DIL



<




THUCHAH


- Rev V.L. Sanga,

Audio

-







Thuhmahruai:

Fak hla siamtu chuan, ‘Sang tam zâwk tan lawmna ropui, chhiarsen loh tan tahna a ni.’ a tih ang maiin kumin 2020 chu khawvelin hun khirh leh harsa a tawn kum’ Hripui Covid 19 avanga kan nunphung leh hun bi chhiar dan zawng zawngte a mumal theih loh kum kan tawng a. Hripuiin mi tam tak nunna a suat a, chutih laiin khawvel hmun hrang hrangah buaina a inkahpup chaw zut zut reng bawk a. United State of America-ah President inthlan boruakin tualchhung buaina a ur chhuak mek a, Vietnam buaina avangin mi tam takin nunna an chanin nunphung a mumal thei lo va, Middle East ramte’n indo an hmachhawn reng bawk a. South East Asia-ah China ral a lian mek zel bawk nen, kan khawvel hian hun tha a pawchhuak meuh ta lo a ni ber a. Kan hmabak hun lo la awm zel tur hi ngaihtuah thiam a har ta hle a ni. Hetiang hun harsa leh hun thim kan tawh mek lai hian Pathian khawngaihna avangin kum hlui mai tur 2020 thlah thei leh kum thar 2021 beiseina nen thir theia Pathian vênna kan la chang hi keimahni chungchawiah chuan lawmthu sawina tur vek a ni e. Pathian venhimna leh hruaina avangin lawmthu i sawi thar theuh ang u.

Kum thar 2021 beiseina nen kan thlir mek lai hian kan kawng zawh turte chhut nawn leh ila, he kum thar atana kan thutlukna (New Year resolution) siam nan Rom 12: 1–2. Thu hi I hmang nawn leh ang u. “Inthawina nung leh thianghlim, Pathian lawm tlak ni turin kan nunna (Taksa) ngei hi a hnena hlan thar lehin, damchhung khawsak ngaihtuahna leh khawngaih rawngbawlna Pathian duhzawnga hlenchhuah a nih theih nan, kan taksa ngei hi a hnenah i hlan leh theuh ang u.

Taksa ngei hlan a tulna: 1. Lal Isua kawngzawh/rawngbawl dan a ni. A taksa ngei kan tan hlanin chatuan nunna min pe a ni. Chuvangin amah ngeiin ,”Tu pawhin ka rawng a bawl chuan mi zui rawh se” a ti a ni. A hniaka kan zui theihna tura entawn tur min hnuchhiah chu a hnena taksa hlan ve hi a ni.

2. Kan nunna /Taksa ber hi a tan kan hlan chuan thil dang zawng zawngah Lal Isuan thuneihna leh Lalna a chang tawh dawn a ni. “A hnenah thinlung ka pe ang, khawvelin a chang ve lo vang” i ti thar leh ang u.

3. Thlarauva Pathian chibai kan bûkna a ni. Bible lehlin thenkhatah chuan, ‘Chu chu in rawngbawlna awm reng a ni’ tih hi “Hei hi thlarauva Pathian chibai in bûkna chu a ni” tia lehlin a ni. Thlarau leh tihtakzeta Pathian chibai kan bûk theih nan kan taksa hlan chu a kawng a nih chu.

4. Pathian rawng kan bawlna remchang a ni. Kan taksa/ nunna a hnena hlan mai hi a pawmtlâk leh lâwmzâwng a ni hi kan tan a remchangin mi tinte tih theih a ni. He mi ni lo hi Pathianin duh dang min phût ta se mi tam takin kan tih theih loh tur a tam hle ang.



A tâwp berah chuan, a hnena in pek/ intukluh mai hi Pathian mithmuha thianghlim leh lawmtlak, a lawmzawng a ni mai hi kan tana Pathian khawngaihna inpuang chhuak zel a ni zâwk a ni. Chuvangin ‘kum 2021-a tan Pathian nen’ tiin kan nunna a hnenah i hlan nawn leh ang u. Pathianin a malsawmna nen kum thar min hruai thleng theuh rawh se.

Lalpa Tawngtaina