SERKAWN TUALCHHUNG KOHHRAN
PATHIANNI ZING PROGRAMME
10:00 AM, 2nd August, 2020
PROGRAMME:
HUN KAIHRUAITU:
- Hla sak hona: KHB No.63. “Aw,mi sang tamtak zaite chu”
- Tawngtai rualna
- Hun harsa tak kan tawh avangin engemaw chen chu Biakin ah a huhovin kan la inkhawm thei dawn lo a, kan thlarau nuna hmasawnna leh chakna atana mimal leh chhungkua ten he hun hi kan hman tangkai theihna turin Pathian hnenah inhlan thar zel ila.
- Pathian kaihhruaina leh venhimna vawiin thlenga kan la dawn avangin Pathian hnenah lawmthu sawi ila, kan phu loh malsawmna kan dawn zozai avangin lawmthu i hrilh ang u.
- Kan rama Covid 19 positive tam tak an dam chhoh mek avangin Pathian hnenah lawmthu sawi ila
- Covid 19 positive-te’n tisa leh thlarau damna an chan zel theih nan dil i la. Quarantine Centre-a awmte pawhin Pathian an hmuhna hun a lo nih theih nan dil sak ila. An hnena rawng-bawl thinte tan pawh i tawngtaisak ang u.
- Covid 19 dona kawnga sulsutu sawrkar, Medical lam, Police leh NGO te, ramria duty-te tan ka dil anga, mimalin invenna atana kan tih ve theih pawimawh em em te tha taka kan tih theih nan Pathian tanpuina dil ila. Community spread lak atanga venghim kan nih theih nan Pahtian hnenah i dil ila, fimkhur taka kan khawsak zel theih nan i dil ang u.
- Mizoram khaw chhak lama kan unaute, lirnghingin a tihbuai thlabar tak tak te tan Pathian thlamuanna dil sak ila.
- Khawvelah remna leh muanna a awm theih nan, China leh USA, China leh India, India leh Pakistan ram inkarah te remna leh muanna a awm theih nan.
- Kan kohhran member damlo te tan, kan missionary zawng zawng te leh kan kohhran atanga chhuak missionary thawk mek leh pension tawh te tan i tawngtai bawk ang u.
- Kan thawhlawm leh thuchah ngaihthlak tur Pathian hnena hlanin malsawmna dil ila.
Tawngtaina a Hriat Turte Special Item (Nei thei remchangte tan)
- Naupang recitation/solo etc
-
Bible chhiar tur:
- Sam. 105:2;
- Sma 145:10,11
Aw,mi sang tamtak zaite chu
Aw mi sang tam tak zaite chu,
Tlantu ropui fakin;
Kan Pathian ropui ber Tlantu
Hmangaihna chu fakin.
Aw, kan Lalber, min hruaitu chuan,
Chakna min pe ang che;
Hemi khawvel zawng chungah hian,
I thu puang darh turin.
Lal Isua hming min muantu hi,
Kan lungngaih tikiangtu;
Mi sual tan pawh ri mawi a ni,
Min thlamuantu ber hi.
Sualna zawng zawng hnehtu chuanin,
Mi tangte a chhan chhuak;
A thisen hlu tak a pe,
Keini min chhandam nan.
THUPUI: "Titi rawh u.”
THUHMAHRUAI:
Vawiinah Pathian thu hmangin chhungkuain kan inpawlho dawn a,kan duh dan tak nilo mahse, he hripui lo leng hian chhungkua min khung khawm a, chhungkua a inpawhna tha zawk min siam sak awm e. Kan zirho atan kan han thlan chhuah chu I titi ang u tih hi a ni,hetiangin lo en ila :-
Hla : KHB No.339 ‘Thawnthu hlui chu min hrilh rawh’
1. Mizo te inkawm khawm a,titi ho nuam ti mi kan ni a, rilru in pawh tak mai a titi ho a nuam a, a hlimawm em em thin. Duh zawng in angte, khawsak phung in ang tlang te, kum in rual tlang, eizawnna kawng thuhmun zawh hote titi a rualin kan in pawh zual thin awm e. Titi pui nuam an awm a, chung mite chu mite thu leh hla ngaichang thiam, mite thusawi lo zawm thiam leh ngaithla peih te hi anni fo thin.
2. Kal paha in sawi dun kha eng thu nge ni? Lk.24:17; Duh inang, sa in ang, an tih thin angin in pawh tak a titi naah chuan rilru a awm ang angte zalen takin kan sawi fo thin, thupui hrang hrang pawh kan lawr nasa hle thin a, tumloh thleng thleng a sawi chhuah pawh a awm fo thin awm e. Emmau kawng a thian dun kalte ang khan Isuan kan titi naah hian eng thu nge kan sawi tih min zawt ve ta se, eng tin nge kan chhan ang? Isua hriat tlak loh te kan lo sawi thin em? Kan chhungkua ah hian eng thu nge kan titi thin? Nu leh pate hian kan tu leh fate hriatah hian eng thu nge kan titi thin le? Kan chhungkaw titi tui ber eng nge ni ang? Rawngbawltute kan awm khawmin eng thu nge kan sawi a,kan titi ho thin le? Kan titi ho a kan sawite hi Kohhran mite hian hre ta se, eng tin nge min ngaih ang? Kan thusawi leh titi ah kan fimkhur a ngai a ni.
3. Thinlung a khat liam chu ka in a sawi – Isua(Mt.12:34). Rilru a riak leh thinlung a vei/ riak reng mai hi chu kan hriat loh lai pawhin kan sawi tui ber a ni fo thin a, mi dangten eng tin nge an ngaihang tih pawh ngaihtuah lo in kan puah pui phawng phawng thin. Sam ziaktu chuan ‘A thil mak tih zawng zawng thu chu titi rawh u’ min ti a, ringtute chuan kan sawi tam ber leh kan titi thupui ber tur chu Pathian thil mak tih hi a ni reng tur a ni. Pathianin hmangaihna avang a kan sual ngaihdam nan a a fapa – Isua Krista- min pek thu te, khawngasihna avang a min chhandam thute hi kan titi tui ber lo ni zel rawh se. Hei aia thupui pawimawh, khawvelin a mamawh- kan chhungkua leh khawtlangin a mamawh a awm chuang lo!
I sawi zawngin i nihna a lang an tih ang mai khan kan sawi duh zawng, kan titi duhzawng atang hian kan rilru a awm,kan vei zawngte mi ten an hre thin. Tunlai boruak rit takin min delh lai hian Pathian ram ropui chanchin leh a thiltihtheihna thute hi sawi uar a tul leh zual a nih hi, i ti ti ila, Pathian thil mak tih kan chante i sawi ho ang u.
Hla sak hona: KHB No.339 ‘Thawnthu hlui chu min hrilh rawh’
Thawnthu hlui chu min hrilh rawh
Thawnthu hlui chu min hrilh rawh,
Van chunga chanchin thu;
Engtin nge min chhandamzia,
Lal Isua khawngaih thu!
Thawnthu hlui chu min hrilh rawh,
Lal Isua khawngaih thu.
Zawi takin thu min hrilh rawh,
Ka hriat fiah theih turin;
Engtin nge ka thih aiin,
A thih tak Isua chu!
Chu thu chu min hrilh fo rawh,
Rilrua vawn ka duh;
Min hrilh nawn fo loh chuanin,
A bo leh thuai ang e.