KOHHRANTE TANA HRIATTUR PAWIMAWH: 29th NovOctober, 2020

1. Kan khawvelin harsatna lian tak a tawh avanga Pathian Biak inah kan inkhawm theiloh chhung a rei ta hle mai. Hemi chhung hian Kohhran chhung tinte mahni in lama chhungkua a Pathian chibai bukna tha tak nei turin kan in i tang tlat ang u. Pathianni Zing Programme phei chu kan kohhrana chhungtin te'n a inang tlanga kan hman tur programme kan han siam a, chhungkaw tam takin tha takin in hmang thin tih kan hria a, tha taka hmang ṭheuh turin kan inngen a ni.

2. Kan kohhran member K.Lalbiaknunga s/o K.Hrangchhunga (L.) leh H.Lalrinsiami d/o Pu H.Lalramliana, BCM Ramthar, Lunglei kohhran member te chuan Kohhran Dan Puitlinga inneih an duh a; a rem lohna hria chuan sawi theih a ni Vawiin November 29, 2020 hi vawi 3 kan puanna a ni. An inneih hnuah chuan tu mahin sawi a rem tawh lo vang.

3. Kan kohhran member ve ve Lalthanzuala Pachuau s/o Upa P.Lianngura leh Saichampuii Sailo d/o Pu Lalnuntluanga Sailo te chuan Kohhran Dan Puitlinga inneih an duh a; a rem lohna hria chuan sawi theih a ni. Vawiin November 29, 2020 hi vawi 2 kan puanna a ni. An inneih hnuah chuan tu mahin sawi a rem tawh lo vang.

4. December 5,2020 Inrinni chhun dar 12-ah hian Serkawn Tualchhung Kohhran Committee meeting neih tur a ni a. Mimal emaw, Committee hming emawa report leh Agenda tur neiten 3.12.2020 Ningani zan dar 6:00 aia tlai lovah STK Secretary hnenah hriattir theuh turin kan inngen e. A hmun- Sunday School Hall.

5. BCM Calendar 2021 leh BCM Tawngtai Hruaina bu kohhran chhung tinah sem mek a ni a, lo chang lo palh kan awm chuan Bialtute hnenah kan in report dawn nia. Tin, BCM Diary Rs 150 man leh Calendar keu theih chi Rs 50/- man tlem a awm tel bawk a. A duhten Biak in enkawltu hnen atangin lei theih a nie.

6. Pathianni leh (6 Dec, 2020) hi Sunday school kum tawp Exam hun tura ruat ni mah se, kuminah hian hripui leng avangin kan Kohhranah chuan Exam kan nei lo mai dawn a, kohhran member ten kan hriatthiam theuh kan beisei e

7. 15.11.2020 khan Pathian ram tana chhung tinin Envelope-a kan pekte chhiar fel a ni a, hetiang hi hmuh dan a ni:


PRZ, RT leh Buhfaitham (Hqrs-a lut tur): ₹ 1175770/-
KHE, Biak in, R&D, Hunpui, Mission (Tualchhung mamawh) :₹ 823260/-
A vaiin: ₹ 2000030/-


Thla 8 chhunga kan hmuh tawh Za zela chhutin:- 68.46%
Hqrs Target khum mekna: ₹ 256155/-
Thawhlawm lakkhawm leh hun: 13th Dec, 2020

Download STK Nov Thawhlawm.



STK Thuhla hriattirna group hi chhung tin atangin 1 in join thei ila kan duh hle a. A la join lote join zel turin kan inngen e. Chutih laiin chhungkhata member 1 aia tam kan awm chuan midang kian turin kan leave mai dawn nia.

  • Whatsapp Link


    (LALRINMAWIA)
    Secretary
    Serkawn Tualchhung Kohhran.