SERKAWN TUALCHHUNG KOHHRAN

PATHIANNI ZING PROGRAMME

10:00 AM, 27th September, 2020

PROGRAMME:

Hla sak hona:Khb No 508: Hringnun kan zinkawngah hian (Thilpek lakkhawmna)

TAWNGTAI RUALNA

Tawngtaina a Hriat Turte
1. Pathian ropui leh thiltithei, Khawvela thil thleng zawng zawng chunga thuneitu kan neih avangin a hnenah lawmthu sawi ila. Chawimawina leh ropuina i hlan ang u.
2. Covid19 avangin a huhova inkhawmna la nei thei lo mah ila, chhungkua leh mimal anga Pathian biakna hun tha kan la neih theih avangin lawmthu i sawi ang u. Covid19 hripui a reh hunah pawh chhungkua leh mimal nuna Pathian pawlna nung nei chhunzawm thei turin Pathian hnenah inhlan ila.
3. Tun thlenga Mizoramin Pathian ven himna dawnga covid19 thihpui kan la awm loh avangte leh community spread nasa tak kan la tuar loh avangin lawmthu sawi ila. Pathian venhimna dil chhunzawm zel ang u.
4. Covid19 veitu zawng zawngte taksa, rilru leh thlarau damna dil sak ila. Anmahni enkawl tute tawngtai sak ila. Covid19 kaihhnawih harsatna tuartu zawng zawngte tawngtai sak ila.
5. Sawrkar, Kohhran leh tlawmngai pawl te tan Covid19 dona kawnga hma fing leh tha tak an lak thiam theihna turin dil sak ang u.
6. Kan Missionary te tawngtai sak ila. Covid19 in a tihbuai te pawh an awm ta a, Pathian venna leh damna te dil sak ila.
7. Kan Kohhrana khawhar chhungte leh kan member damlo te Hospital leh mahni in lama inenkawl te tan tawngtai sak ila. Kan thuchah ngaihthlak tur atan Pathian malsawmna dil ila, kan thawhlawm te Pathian hnenah kan hlan bawk dawn nia.n hi kan ram siam thatna tur bul a ni. Pathian Thlarau Thianghlim khawih nawnna an chan theih nan
8. Kan thuchah ngaihthlak tur atan Pathian malsawmna dil ila, kan thawhlawm te Pathian hnenah kan hlan bawk dawn nia.n hi kan ram siam thatna tur bul a ni. Pathian Thlarau Thianghlim khawih nawnna an chan theih nan

THUCHAH

THUPUI: THLAMUANNA

Audio

Thlamuanna thinlung neih tluka thlakhlelhawm hi nunna nei zawng zawngte tan a awm âwm love. Thlamuanna chu Hebrai ṭawng chuan „Shalom‟ an ti a, Grik ṭawng chuan „Eirene‟ an ti. Thlamuanna chu THINLUNG-a awm leh neih chi a ni. Mi tin ten kan nei thei vek, hausa ten an neih theih rualin, rethei ber pawhin a neih theih. Chutih rual chuan neih loh theih a ni bawk.

Thlamuang tih chu hlauhthawn leh venthawn nei lo, hahdam, dip daltu awm lo, zalen, rilru chhung hlim, lungawi hliah hliah, buaina leh harsatnaina, a chim buai phak loh thinlung a ni a; hetiang tak thinlung neitu chu a thlamuang a, tumah dang a awt lo a, a thlahlel em em lo bawk. Thlamuanna chu rilru lam hahchawlhna, thinlungin helhkam leh hlauh tur a neih lohna a nih avangin, miin, “Ka thla a muang e,” tih ṭawngkam an hman tluka ngaihthlak nuam a awm lovang, chutiang taka hlu chu ni mah se, khawvelah hian kan thlamuan theih loh nachhan leh thlamuanna daltu tam tak a awm thei a, chungte chu chhut ho hmasa ta ila:

1) INDONA: Khawvelah hian Innghirnghona leh indona vawi tam tak a lo awm tawh ṭhin a, hnam leh hnamte, ram leh ram te an indo tawh ṭhin. Heng hian nunna tam tak a suat a, pawi sawi lo leh nausente thlengin an inthat a, Mizo history-ah pawh Lal khua leh khuate an in rûnin an inthat buaih buaih ṭhin a ni. Khawvel history-a indona kan hriat hmasak chu 431-404 BC ah khan Peloponessian War kha a ni a, Athens ho leh Sparta ho an ni a, Athens ho kha an tlawm ta a ni. Hei hi Grik ho hun lai indona hmasa chu a ni. Indona tam tak a awm a, kan sawi vek lo ang. Stalingrad indona kha Indonaah chuan mihring thisen chhuah tamna leh nunna hloh tamna a ni a, German leh Soviet Force te niin, 19th Aug, 1942- 2nd Feb,1943 thleng an indo a, mihring nunna 20,00,000 (nuai 20) lai lâk a ni.

Sorkar hian ram venhimna atan ralthuam a siam reng a, he lama sum a dah pawh a tam hle zel. USA hian 2020 hian Military Budget-ah Dollar tluklehdingawn (billion) 934 a dah a, India pawhin Rs. 3,59,000 Crore a dah bawk, hei hi US Dollar tluklehdingawn (billion) 57 vel a ni. Tunah pawh India leh China chu ramri chungchangah an inngur reng a, an la indo lovang tih hi a sawi theih loh a ni. Heng ralthuama an intlansiakna leh indona awm ṭhinte hian thlamuang taka kan awmna tur a dal a ni.

2) LEILUNG CHHIATNA: Mihringte thuneihna leh chaknain a thuhnuai theih loh leimin, lirnghing leh thlipui, tuilian te hian mihring nunna kum tin hian tam tak a suat a, kuminah pawh lirnghing avangin kan Mizoram khawchhak lama chengte chu thlabar leh hlauthawng reng rengin an awm a, an thlamuang lo hle a ni. In ṭha (Concrete) nei te chu a mangang nasa an ni.

Heng bakah hian hripui (Covid-19) kumin 2020 ah phei chuan, khawvel pumpuiah lêngin, sorkar chak leh thiltithei pawhin engmah an ti thei lo a, a thi tam hlei hlei an ni a, heng hian mihring nun a ti thlamuang lo em em a ni. Khawvel ram changkang USA, France te chu a thi tam hlei hlei an ni a, India ram pawh mihring kan tam bawk a, thi kan tam a, update sen a ni lo, nitin a danglam a ni. Chuvangin, he khawvela hripuite, natna- Cancer, Hepatitis, etc. te hian thinlung thlamuanna min pe lo ṭhin a ni. In thihsan te, in enkawl hrep te, fate fahraha kalsan te kan hlau a, heng hian mi tam tak thlaphangin a siam a ni.

3) KEIMAHNI NI LO MIHRING DANGTE: Keimah chu keimah ka ni. Ka thlamuanna leh himna tur ka ngaihtuahin, ka kawng zawh a him dawn loh chuan pumpelhna kawng tur kan dap ve zel chu kan tih turah kan ngai. Hei hi tisa thil leh Thlarau lamah a ni. Nimahsela, keimah ni lo, chhungkuahah chenpui nupui, pasal, fate, awmpuite kan nei. Chhungkuaah ruihtheihthil tite, hmichhiat mipatna kawng zawh te, thilruk tur zawng reng te, buaina siam reng mai leh sual kawng zawh lui tlat, mahni in aia Jail (Tan In) nuam ti zawmahte hian chhungkaw member dangte an ti thlabar a, an ti thlamuang lo hle a ni.

Heng bakah hian kan chhungkua ni lo, kan khawtlang leh ramah nitin khawsak ho pui mi tam tak kan nei a, mi chi hrang hrang an ni. Sual kawng zawh avanga HIV/AIDS vei, 2018-2019 ah mi 2557 hmuhchhuah thar an awm. Tunah a pumpuiah mi 17897 in an vei mek, damlo thisen pek ngai awmah, heng mite thisen pek hi dawn palh theih a ni (a theih angin endikin, thlifim mah se). Chubakah, Tualthahna, pawngsual, kum tling lo leh mahni farnute ngei pawh pawngsual duh hialte an awm ta zel a, heng sualna rapthlak takte hian mihring thlamuanna a la bo a ni. Mahni inchhung pawha thlamuang zo lo chhungkua an tam ta em em a ni. Heng bakah hian ruihtheihthil zuar leh chutianga eizawng, NGO ten an man a, Jail bang zut rei thei lo, tualthattu leh pawngsualtu Jail-a tang rei thei lo, sum leh paia tham lungawitheih, Police leh Ukil lamah eng zat nge thilsual titu ten zawmpui an neih ang? Heng avang hian kan ram mipui tam takte an thlamuang zo lo.

Heng bakah hian kan ram sorkar hnathawk leh politician te hian mi retheite sum leh pai engzat nge an eiruk, eiruk a nih avangin manchhuah an har a, a percent ten an hauh an ti a ni. Mi rethei an bet tlawk tlawk a, eiru an lian zawt zawt mai. Mi naran tan kawl a eng lo, mahni ruang dahna tur in nei lo an tam em em a, tu leh fate thihsan an hlau ve tho si. Mihring rilru a baihvai a, a thlamuang lo a ni. Dik lo taka inrahbeh duh lo, mi huaisen, pawisak nei lo an lo chhuah meuh chuan, tuna nuamsa leh dinhmun nuamte hmathlir hi a puitling lo ve thei tho. Chuvangin, kan vaia thlamuanna tur leh hlim tlanna tur hi thil pawimawh a ni.

4. ISUA HI THLAMUANNA PE THEITU AWM CHHUN A NI: Khawvel mite chuan khawvel awm chhung thil chauh an thlir pha a, khawvelah mahni tan an nung a, mahni tana nun chu an hlimna ber a ni a, mahse natna leh thihna an pumpelh thei chuang lo. Johana 16:33 ah Isuan, “Khawvelah hian hrehawmin in awm ṭhin, thlamuang takin awm rawh u, keiin khawvel ka ngam ta,” a ti. Sum leh paite, in leh lo ṭha te, dinhmun ṭha neihte hi thlamuanna a ni lo. I chhungte chu Doctor, Officer tam tak awm mah se, cancer, hri, indo, lirnghing an pumpelh tir thei lo che. He khawvela thlamuanna pe theitu chu Isua chauh a ni a, he khawvel piah lamah pawh i tan ṭhian ṭha ber ni turin, Isua hi ring mai rawh, chawlhna, hahdamna hmuin, zalen i lo ni tawh ang. Sakhuana hi ring suh, thlamuanna a pe thei lo che. Sakhuannaa innghat ho chuan thil ṭha nia an hriat tam tak an ti ve dûm a, nihna leh dinhmun ṭha chelhte chu an ngaih ropui zâwng a ni a, serhsâng tam tak, sakhuanna thil an ti ve tho a, chung chuan a thlamuan chuang lo.

Isua erawh chuan, “Nangni thawkrim leh phurrit phur zawng zawngte u, ka hnenah lo kal ula, keiman ka chawltir ang che u, thuhnuairawlh leh rilrua inngaithlawm ka ni, in thlarau tan pawh chawlhna in hmu ang,” min ti. Engkim chunga thuneitu, inngaitlawm leh thuhnuairawlh bawk si, Isuaa innghatte chuan thlamuanna leh hahchawlhna an nei \hin a ni.

Indona a awm loh avangin kan ram leh hnam, mimal nun chu a him zel ang tihna a ni lo, ram leh ram indo lo mah se, Hel (Terrorist) tam tak an awm a, kan sakhua dodaltu an awm reng bawk. I in leh lo hrechiang a, in chhungkaw chetphung hre chiangtu, nitina ṭawngkam ṭha taka i biak ṭhinte khan i fapa kha drugs an pe thei a, i fanu kha an pawngsual thei a, i thil an ru thei a, a rukin an phiar chein, midangte hmangin i awhna tur thang an kam thei. Hripui a len loh lai hian inhuatna hri (Antipathy pandemic) a leng reng tih kan hriat a pawimawh hle a ni. |umkhat chu mi pangngai taka ka ngaih, kan rawngbawlpui, nitina ka hmuh ve ṭhin chuan, ka chanchin kha a chhe thei ang berin a bula ṭhu kha a hrilh a, a hmuh theih loh bang danah ka awm tih a hre lo a, chu mi pangngaia ka ngaihna chu a tla fai nghal hle mai a, ka dam chhungin ka mi rin zâwng a ni leh tawh lovang, ka chanchin a sawi bak kha Lalpa erawh chuan a la hre zawk a, mahse Amaha innghah kha ka hahdamna leh thlamuanna tur a lo ni.

Mihring rinte, ralthuam leh thiamna leh finna rin hian thlamuanna min pe ngai lo. Lalpa ringtu erawh chu Jeremia 17:5-a a sawi angin, harsatnain a tih mangan theih loh thinlung neitu niin, chu chauh chu kan thlamuanna tur awm chhun a ni e.

Hla sak hona:Khb No 433: Ka chhandamtu min vengin a hnai reng

Vawiin Beirual Thupui BCM lam atanga tih chhuah Audio dah a ni e. A hmang tangkai duh tan hman theih a ni e.

THUPUI: Kan ramin Din thar leh a mamawh