SERKAWN TUALCHHUNG KOHHRAN
PROGRAMME
PATHIANNI ZING PROGRAMME
10:00 AM, 27th December, 2020
PROGRAMME:
Kohhrante Hriat Tur Pawimawh
MISSIONARY-TE KRISMAS CHIBAI
Hla: Khb No. 127 Ngaiteh Van lal fa chu (Thilpek lakkhawmna)
TAWNGTAI RUALNA
- Tun Krismas leh kumthar vuakvet ah hian mimal leh chhungkaw tin ten Pathian Thlarau Thianghlim pawlna leh awmpuina kan chan a, Lal Isua lalna hmun kan thinlunga kan din theihna turin Pathian tanpuina i dil ang u.
- Chhungkuain tul leh pawimawh kan tihte Pathian hnenah thlen ang u.
- Kan kohhran atanga missionary chhuakte te tan Pathian awmmpuina i dil ang u.
- Kan Kohhrana khawhar chhungte leh damlo te tan Pathian thlamuanna i dil ang u.
Mathaia 1:22-23
Lalpan zâwlnei hmanga, 23“Ngai teh, nula thianghlim chuan nau a pai ang a, Fapa a hring ang a, A hmingah Imanuela an sa ang,” (chu chu ‘Kan hnêna Pathian awm’ tihna a ni) tia a sawi kha a lo thlen theih nân hêng zawng zawng hi a lo awm a ni. .
Johana 15:5
Kei grêp chu ka ni, nangni a pêngte chu in ni. Tu pawh keimaha awm renga, kei pawh amaha ka awm rengna chu tam takin a rah ṭhîn; keimah lovin eng mah in ti thei si lo.
Mathaia 28:19-20
Tichuan, kal ula, hnam zawng zawng zirtîrah siam rawh u; Pa leh Fapa leh Thlarau Thianghlim hmingah chuan baptis ula, thu ka pêk zawng zawng che u pawm tûrin zirtîr rawh u. Tin, ngai teh u, kei, kumkhuain, khawvêl tâwp thleng pawhin, in hnênah ka awm zêl ang,” a ti a.
Lalpan zâwlnei hmanga, 23“Ngai teh, nula thianghlim chuan nau a pai ang a, Fapa a hring ang a, A hmingah Imanuela an sa ang,” (chu chu ‘Kan hnêna Pathian awm’ tihna a ni) tia a sawi kha a lo thlen theih nân hêng zawng zawng hi a lo awm a ni. .
Johana 15:5
Kei grêp chu ka ni, nangni a pêngte chu in ni. Tu pawh keimaha awm renga, kei pawh amaha ka awm rengna chu tam takin a rah ṭhîn; keimah lovin eng mah in ti thei si lo.
Mathaia 28:19-20
Tichuan, kal ula, hnam zawng zawng zirtîrah siam rawh u; Pa leh Fapa leh Thlarau Thianghlim hmingah chuan baptis ula, thu ka pêk zawng zawng che u pawm tûrin zirtîr rawh u. Tin, ngai teh u, kei, kumkhuain, khawvêl tâwp thleng pawhin, in hnênah ka awm zêl ang,” a ti a.
THUCHAH
THUPUI: “Emmanuela”
- Upa Vanlallawma Poonte
Audio
-
Kohhran hote Lalpa Isua Krista hmingin chibai ka buk a che u. Tukinah hian Pathianin kan kohhran hruaitute kaltlangin thuchah sawina hun tha tak mai min pe hi ka lawm hle mai a, kan kohhran hruaitute leh Pathian chungah lawmthu ka sawi a ni.
Kumin 2020 Krismas chu kum dang ang lo takin Covid-19 hripui leng karah Pathian hruainain kan lo hmang liam ta a. Chu hripui leng chuan kan nunphung a tidanglam nasa em em a, kum danga Krismas kan hman thin angin kan hmang thei ta lo chu a ni a. Hetiang hun khirh leh harsa kara Krismas kan hman hi ka hriat chinah a la awm lo. A khawhar thlakin a lungchhiat thlakna laite pawh a awm thei awm e.
Nimahsela chutiang hun harsa karah chuan thenkhat tan Pathian chibai buka Pathian pawlna hun tam zawk kan neihnate pawh a ni mai thei. Tin, chhungkaw thenkhat tan pawh kum dang zawng aia tha leh hlawk zawk, chhungkima Pathian kan pawlna, chibai kan bukna hun tam zawk kan neihna a ni mai thei.
Kum dang ang chu nise tukinah pawh hian Pathian Biak Inah Pathian chibai buka inkhawmin Pathian fak leh chawimawia a thute ngaithlain kohhran hote hian hlim takin hun kan hmang ngei ang.
Engvangin nge, engati nge ? Hetiang hun khirh leh hun harsa hi a lo thlen tak tihte ka ngaihtuah a. Khawvelin Krismas kan lawm dan leh kan hman danah hian kan lawm chhan ber hre chang lo hian keimahni hlimhlawp, kan chak zawng apiang zalen taka kan tih theihna hunah kan ngai a, Pathian ngaihsak lek lovin-Thalai, nu leh pa tam tak a huhova inbawrkhawma, khawimawlai hmun fianriala nuam tawla, nulat tlangvalna sual kawng zawh a, ruihhlo tihna atana kan hman thinnate hian Pathian a tilunglawi lovin a thinurna a rawn thlentir a ni ang tihte ka ngaihtuah hial a ni. Chuvang chuan Pathian duhdan thlir chungin kan nitin hun hman turahte fimkhur taka kan nun a pawimawh khawp mai.
Kan kohhran hian hun rei tawh tak atang khan kumtina kan lo tih thin, Krismas leh Kum Thar (HUNPUI) chhung hian Pulpit chungah leh zaikhawmna hmunahte Banner, Pathian thu tha tak tak kan tar thin a. Kuminah pawh hian Pulpit chungah ‘Emmanuela’ ti kan tar a, chu chu tukina kan thupui atan ka rawn thlang chhuak ve a ni. Thuchah ngaithlatu ten tawngtaina nen hun min lo hmanpui turin ka sawm a che u.
Lal Isuan a zirtirte rawngbawl tura a tirhchhuah dawn khan an hnenah “Kei kum khuain, khawvel tawp thleng pawhin in hnenah ka awm zel ang” tiin a sawi a. Lal Isua thutiam hi a zirtirte tan hian ava thlamuan thlak dawn em ! Chu thutiam chu vawiin thleng hian keini tan pawh a la pangngai reng, a la danglam lo kan hnenah a pangngaiin a la awm reng a ni.
Fak hla siamtuin - ‘Kan hnena lawm loh chang ni a awm em ?
Vawi khat mah, vawi khat mah.’ tiin a lo puang chhuak a.
Pathian engkimtitheia, englai pawha kan hnena awm reng vawikhat mah min thlahthlam ve ngai lo, Emmanuela kan hnena Pathian awm kan neih avang hian ava lawmawm em ! Harsatna, manganna, lungngaihna kan tawh pawha min tanpui turin Ani chu kan kiangah, kan bulah a awm reng thin. Ava thlamuan thlakin ava lawmawm em ! Lalpa chu fakin awm rawh se.
Vawiinah hian sual hnathawh avanga phurrit phura lungngai kan awm em ? Thihna avanga khawhara lunglenga indawmkun reng kan awm em ? Natna khirh tak tak tuar dam leh thei tawh lo tura inngai pawh kan awm mai thei. Covid 19 hrilengin a tihbuai avanga lungngaite pawh kan awm a ni thei. Ruihhlo bawia tang mahni inchhanchhuak thei lo, beidawngte pawh kan ni thei. Retheihna avanga lungngai beidawngte pawh kan awm a ni thei e. Hetiang harsatna kawng hrang hrang tuartute hnenah hian tidamtu Isua Krista hi kan hnenah a awm a, kan manganna, kan saltanna atang hian min tanpui turin tunah hian i au ila, Anin kan au thawm chu a lo hria anga min tidam dawn a ni. Emmanuela kan hnena Pathian awm chu min tanpui turin kan kiangah, kan bulah hian englai pawhin a awm reng a ni.
Kan hmalam hun tur hi tuman kan sawi lawk thei lo. Kum thar 2021-te hi Pathian hruainaa kan thleng leh thei a nih pawhin engtiangin nge kan hman chho zel ang tih hi ngaihtuah tham tak a ni. Covid-19 hripui leng mek hi chuan min la kiansan pawhin a rin ngam loh. Chutih karah chuan United Kingdom (UK)-ah chuan tuna Covid-19 hri leng mek hi insiam danglamin Coronavirus variant thar (N5O1Y) tia hming vuah chu a leng thar leh mek niin an sawi a. Ram dangte pawh a kangkai mek a ni. Mithiamte sawidan chuan tuna Covid-19 hrileng mek ai hian a let 100-a 70 (70%) in inkai chhawn a awlsam tihte an la sawi ta deuh deuh a. Tuna Covid-19 hrileng mek pawh hian kan nunphung a tidanglam nasat tawh teh reng nen, mi tam tak a nuai tel teh meuhvin an thihpui tawh a ni a. Heng aia nasa leh rapthlak pawh hi khawvel hian a la tawng mai thei a ni. Kan hmalam hun hi a thim zawnga thlir chuan hun thim takin min hmuak leh mek nite hian a ngaihtuah theih rum rum a ni. Chumi karah ram leh ram inngeihlohna, innghirnghonate hi a nasa tulh tulh mai bawk si, indona rapthlak takte hi a lo thleng mai ang tihte hi ngaihtuah tham tak a ni.
Nimahsela kan hma lam hunah hian hun thim leh hun harsa zawkte pawh lo thleng se, keini ringtute chu zam mai tur kan ni lo. Lungngaia thlaphang mai tur kan ni lo, Pathian engkimtitheia chu kan hnenah a awm. Khawvel tawp thleng pawha kan hnena awm min tiamtu khan min kalsan dawn lo, min tanpui tur leh min thlamuana min veng turin kan hnenah, kan kiangah a awm reng dawn a ni. Hun harsa leh hun khirh tam tak karah pawh min hruaia vawiin thlenga min vengtu Lalpa Pathian chu ropuina leh chawimawina hlan ila, kan hma lawka kum thar 2021lo thleng tur pawh hi a hruaina leh awmpuina kan chan zel theih nan kan hnena Pathian awm Emmanuela chuan kohhran hote min awmpui zel rawh se. A thu famkim lo taka kan sawite Lalpan kan za atan mal minsawmsak theuh rawh se. Amen.
Hla: Khb 134 :Kan Isua ang hi thian dang reng an awmlo.
Kohhran hote Lalpa Isua Krista hmingin chibai ka buk a che u. Tukinah hian Pathianin kan kohhran hruaitute kaltlangin thuchah sawina hun tha tak mai min pe hi ka lawm hle mai a, kan kohhran hruaitute leh Pathian chungah lawmthu ka sawi a ni.
Kumin 2020 Krismas chu kum dang ang lo takin Covid-19 hripui leng karah Pathian hruainain kan lo hmang liam ta a. Chu hripui leng chuan kan nunphung a tidanglam nasa em em a, kum danga Krismas kan hman thin angin kan hmang thei ta lo chu a ni a. Hetiang hun khirh leh harsa kara Krismas kan hman hi ka hriat chinah a la awm lo. A khawhar thlakin a lungchhiat thlakna laite pawh a awm thei awm e.
Nimahsela chutiang hun harsa karah chuan thenkhat tan Pathian chibai buka Pathian pawlna hun tam zawk kan neihnate pawh a ni mai thei. Tin, chhungkaw thenkhat tan pawh kum dang zawng aia tha leh hlawk zawk, chhungkima Pathian kan pawlna, chibai kan bukna hun tam zawk kan neihna a ni mai thei.
Kum dang ang chu nise tukinah pawh hian Pathian Biak Inah Pathian chibai buka inkhawmin Pathian fak leh chawimawia a thute ngaithlain kohhran hote hian hlim takin hun kan hmang ngei ang.
Engvangin nge, engati nge ? Hetiang hun khirh leh hun harsa hi a lo thlen tak tihte ka ngaihtuah a. Khawvelin Krismas kan lawm dan leh kan hman danah hian kan lawm chhan ber hre chang lo hian keimahni hlimhlawp, kan chak zawng apiang zalen taka kan tih theihna hunah kan ngai a, Pathian ngaihsak lek lovin-Thalai, nu leh pa tam tak a huhova inbawrkhawma, khawimawlai hmun fianriala nuam tawla, nulat tlangvalna sual kawng zawh a, ruihhlo tihna atana kan hman thinnate hian Pathian a tilunglawi lovin a thinurna a rawn thlentir a ni ang tihte ka ngaihtuah hial a ni. Chuvang chuan Pathian duhdan thlir chungin kan nitin hun hman turahte fimkhur taka kan nun a pawimawh khawp mai.
Kan kohhran hian hun rei tawh tak atang khan kumtina kan lo tih thin, Krismas leh Kum Thar (HUNPUI) chhung hian Pulpit chungah leh zaikhawmna hmunahte Banner, Pathian thu tha tak tak kan tar thin a. Kuminah pawh hian Pulpit chungah ‘Emmanuela’ ti kan tar a, chu chu tukina kan thupui atan ka rawn thlang chhuak ve a ni. Thuchah ngaithlatu ten tawngtaina nen hun min lo hmanpui turin ka sawm a che u.
Lal Isuan a zirtirte rawngbawl tura a tirhchhuah dawn khan an hnenah “Kei kum khuain, khawvel tawp thleng pawhin in hnenah ka awm zel ang” tiin a sawi a. Lal Isua thutiam hi a zirtirte tan hian ava thlamuan thlak dawn em ! Chu thutiam chu vawiin thleng hian keini tan pawh a la pangngai reng, a la danglam lo kan hnenah a pangngaiin a la awm reng a ni.
Fak hla siamtuin - ‘Kan hnena lawm loh chang ni a awm em ?
Vawi khat mah, vawi khat mah.’ tiin a lo puang chhuak a.
Pathian engkimtitheia, englai pawha kan hnena awm reng vawikhat mah min thlahthlam ve ngai lo, Emmanuela kan hnena Pathian awm kan neih avang hian ava lawmawm em ! Harsatna, manganna, lungngaihna kan tawh pawha min tanpui turin Ani chu kan kiangah, kan bulah a awm reng thin. Ava thlamuan thlakin ava lawmawm em ! Lalpa chu fakin awm rawh se.
Vawiinah hian sual hnathawh avanga phurrit phura lungngai kan awm em ? Thihna avanga khawhara lunglenga indawmkun reng kan awm em ? Natna khirh tak tak tuar dam leh thei tawh lo tura inngai pawh kan awm mai thei. Covid 19 hrilengin a tihbuai avanga lungngaite pawh kan awm a ni thei. Ruihhlo bawia tang mahni inchhanchhuak thei lo, beidawngte pawh kan ni thei. Retheihna avanga lungngai beidawngte pawh kan awm a ni thei e. Hetiang harsatna kawng hrang hrang tuartute hnenah hian tidamtu Isua Krista hi kan hnenah a awm a, kan manganna, kan saltanna atang hian min tanpui turin tunah hian i au ila, Anin kan au thawm chu a lo hria anga min tidam dawn a ni. Emmanuela kan hnena Pathian awm chu min tanpui turin kan kiangah, kan bulah hian englai pawhin a awm reng a ni.
Kan hmalam hun tur hi tuman kan sawi lawk thei lo. Kum thar 2021-te hi Pathian hruainaa kan thleng leh thei a nih pawhin engtiangin nge kan hman chho zel ang tih hi ngaihtuah tham tak a ni. Covid-19 hripui leng mek hi chuan min la kiansan pawhin a rin ngam loh. Chutih karah chuan United Kingdom (UK)-ah chuan tuna Covid-19 hri leng mek hi insiam danglamin Coronavirus variant thar (N5O1Y) tia hming vuah chu a leng thar leh mek niin an sawi a. Ram dangte pawh a kangkai mek a ni. Mithiamte sawidan chuan tuna Covid-19 hrileng mek ai hian a let 100-a 70 (70%) in inkai chhawn a awlsam tihte an la sawi ta deuh deuh a. Tuna Covid-19 hrileng mek pawh hian kan nunphung a tidanglam nasat tawh teh reng nen, mi tam tak a nuai tel teh meuhvin an thihpui tawh a ni a. Heng aia nasa leh rapthlak pawh hi khawvel hian a la tawng mai thei a ni. Kan hmalam hun hi a thim zawnga thlir chuan hun thim takin min hmuak leh mek nite hian a ngaihtuah theih rum rum a ni. Chumi karah ram leh ram inngeihlohna, innghirnghonate hi a nasa tulh tulh mai bawk si, indona rapthlak takte hi a lo thleng mai ang tihte hi ngaihtuah tham tak a ni.
Nimahsela kan hma lam hunah hian hun thim leh hun harsa zawkte pawh lo thleng se, keini ringtute chu zam mai tur kan ni lo. Lungngaia thlaphang mai tur kan ni lo, Pathian engkimtitheia chu kan hnenah a awm. Khawvel tawp thleng pawha kan hnena awm min tiamtu khan min kalsan dawn lo, min tanpui tur leh min thlamuana min veng turin kan hnenah, kan kiangah a awm reng dawn a ni. Hun harsa leh hun khirh tam tak karah pawh min hruaia vawiin thlenga min vengtu Lalpa Pathian chu ropuina leh chawimawina hlan ila, kan hma lawka kum thar 2021lo thleng tur pawh hi a hruaina leh awmpuina kan chan zel theih nan kan hnena Pathian awm Emmanuela chuan kohhran hote min awmpui zel rawh se. A thu famkim lo taka kan sawite Lalpan kan za atan mal minsawmsak theuh rawh se. Amen.
Hla: Khb 134 :Kan Isua ang hi thian dang reng an awmlo.