KOHHRANTE TANA HRIAT TUR PAWIMAWHTE:26TH SEPTEMBER 2021
Audio
Kohhran member zawng zawngte kan Lalpa Isua Krista hmingin chibai kan bûk leh che u a; Kohhrante tâna hriat tûr pawimawh i lo târlang leh ang u.
1. Pathianni hmasa khan Pathian ram tâna kan thilpêk (envelope) chhiar fel a ni a, September thla chhunga kan hmuh dan tlangpui hetiang hi a ni:
Pathian ram zuana leh Ramthim (Headquarters)-a lut = 1,152,270
KHE, BIS,R&D, Hunpui, Mission (Tualchhung) = 902,960
Total = 2,055,230
September thla buhfaitham Rs 110,645 nen Hqrs-a lut zawng zawng hi Rs 1,262,915 a ni a; tun thla bikah Hqrs. target thla khata pek tur kan phak lohna Rs 37,085 a ni a. Ti hian Apr - Sep (kum chanve) chhunga Hqrs target kan tlin lohna hi Rs 193,735 a ni. Envelope sem chhuah 266 atangin 251 a lo kir a, 94.36% a ni.Thawhlawm chhiar leh hun atan October 17,2021 Pathianni a ni ang.
2. Chhungkaw Inkhawm atanga thawhlawm hmuh Rs 47,990/- a awm bawk. Sunday zing leh zan inkhawm thawhlawm hi Biak in sakna atana ruat sa a ni.
3. Pathianni hmasa khan Upa Dr. K. Vanlallawma te chhungkua chuan kan Biak in sak lai mek atan Rs 10,000/- an rawn thawh leh hlauh mai a, anmahni leh Pathian hnenah lawmthu kan sawi a ni. Anni chhungkua hian kum hmasa lamahte pawh an rawn pe tawh a, kan lawm takmeuh a ni.
4. Kan hriat angin kan thenawm Myanmar ram buai avangin engemaw zât chu mahni sa himna tûrin Mizoramah an rawn râltlân a. Kan kohhran pawh hêng kan unau râltlânte tanpui nân hian luan chhuah ve tum a ni a. KHE account hmangin STK Committee-in Rs 150,000/- hman tûrin a ti a. He pawisa hmanga buhfai, damdawi, plastic tuizêmte leh tui note kan lei bâkah Kohhranin steel thlêng hlui kan neih 495 chu râltlânte tân hian pêk tûra ruahman a ni a. Chhûng tin atanga bucket leh maihunte a thei remchângte hnên atanga kan indilna chu bucket 60 vêl leh maihûn pawh 60 vêl zet a lo lût a. Hêng bâkah hian thawmhnaw, mutbu leh thil chi hrang hrang thahnem tak KNP te leh chhûngkaw hrang hrang atangin a lo lût bawk. Naktûkah hian Kohhran hminga han pe tûrin motor tê deuh chi (pick up kan tih mai ang hi) 3 hmangin kal tum a ni. Cherhlun leh Thingsai Pastor Biala râltlânte tân a tûl anga sem tûrin Cherhlunah leh Thingsaiahte han thlen tum a ni. Tluang taka an kala an tihtûrte tha taka an han tih theihna tûrin Kohhrante pawhin kan lo tawngtaipui dâwn nia.
5 Kohhran Calendar-ah chuan Octoberrt 7- 10,2021 hi Pastor Bial inkhawmpui hun tûra dah a ni a. Amaherawhchu Covid hripui avângin vântlâng inkhâwmte chu kan nei leh thei dâwn lo va; rorêlna erawh chu insâwr zîm ngai lova neih theih tûra beisei a ni a, hetiang hi rorêl inkhâwm neih dân tûr a ni ang:
Bial TKP Rorêl- 2.10.2021 Inrinni 10:00 Am - 4:00 pm
Bial BKHP rorêl- 7.10.2021 Ningani 10:00 Am - 4:00 pm
Bial BMP rorêl - 8.10.2021 Zirtawpni 10:00 Am - 4:00 pm
Bial kohhran rorêl- 9.10.2021 Inrinni 10:00 AM - 4:00 pm
Bial rorêl neihna hmun tûr hi BCM Biak in, Zohnuai a ni ang.
6. Tûn chawlhkâr chhûnga Zing tawngtai inkhâwm hruaitu tûrte:
Thawhtanni : Pi R.Lalsiami
Thawhlehni : Rbt.H.Lalneihkima
Nilaini : Rev.Dr.Lalzârliana
Ningani : Upa ZD Lalnunmawia
Zirtâwpni : Pi B.Lallianzuali
Inrinni : Upa F.Aihrânga
Pathianni : Pi K.Lalrinzuali
7. Tunkar Inrinni (2.10.2021)ah hian Serkawn Tualchhung Kohhran Committee meeting Biak inah neih tum a ni a, committee member-te kan lo inhriattir lâwk a ni. Mimal leh Fellowship hrang hrang atangte pawha Agenda tur nei chuan tunkar Ningani zan dar 7 aia tlai lovah Secretary hnenah thawn ni se, a lawmawm hle ang.
8. October thla chhunga Deacon turte chu Upa J.Lawmsanga- Leader; Upa C.Lalzarmawia; Upa Dr.Lalramzauva; Rbt. C.Lalchawimawia leh Rbt. B.Singpari.
9. Pathianni leh (03/10/2021)-a thuchah sawitu tûr chu Upa R.Lalhriatpuia a ni ang.
10. Tukin zinga Pathian thuchah sawitu tûr hi Rev. L.Vânlalsânga a ni a, kan zavaiin kan hlâwkpui ngei theih nân rilru inhawng takin i ngaithla leh theuh ang u.
MAIN PAGE
STK Thuhla hriattirna Group-ah tunah hian member 256 awmin kan luah khat mêk a. Kohhran chhûng tinte tâna siam a nih laiin kan leng vek lo deuh a. Chuvângin Group 2-na siam thar a ni. Hêng group 2-ahte hian thu pangngai reng post thin tûr a ni ang. Group-a la tel lo kan kohhran huam chhûngah chhûngkua kan awm chuan tel theuh tûrin kan inbeisei a. Fellowship hrang hrang hruaitu Group hmasaa la tel lote leh tel thar duhte tân a link kan dah hmang hian join theih a ni a. Chuti lo pawhin Admin-te hnênah inhriattir ni se, indah luh zêl kan tum dâwn nia.
(LALRINMAWIA)
Secretary
Serkawn Tualchhung Kohhran.