KOHHRANTE TANA HRIATTUR PAWIMAWH: 25th October, 2020
1. Kan khawvelin harsatna lian tak a tawh avanga Pathian Biak inah kan inkhawm theiloh chhung a rei ta hle mai. Hemi chhung hian Kohhran chhung tinte mahni in lama chhungkua a Pathian chibai bukna tha tak nei turin kan in i tang tlat ang u. Pathianni Zing Programme phei chu kan kohhrana chhungtin te'n a inang tlanga kan hman tur programme kan han siam a, chhungkaw tam takin tha takin in hmang thin tih kan hria a, tha taka hmang ṭheuh turin kan inngen a ni.
2. 12.10.2020 khan kan Kohhran member duh tak Pu C.Lalchamliana s/o Pu C.Zahluta chu Aizawlah a boral a. A ruang hi 13.10.2020 khan a nupui F.Lalsangzuali leh a fate 2 nena an awm mekna Ngopaah ropui taka vui liam a ni. Kan kohhran member a nih angin R&D atangin a ralna pawh a chhungte hnenah hlan a ni. A kalsan tak a nupui fanaute , a nu leh pa leh chhungkhat zawng zawngte Pathianin thlamuanin awmpui zel rawh se.
3. Kan kohhran member R.Lalramliani d/o R.Lalchama leh BCM Haulawng Bethel kohhran member Vanlalruatpuia Chhangte chuan kohhran dan puitlinga inneih an duh a; a rem lohna hria chuan sawi theih a ni . Vawiin 25.10.2020 hi vawi 1 kan puanna a ni. An inneih hnuah chuan tu mahin sawi a rem tawh lo vang.
4. 31.10.2020 Inrinni 1:00 pm-ah hian STK Committee meeting neih tum a ni a. Agenda leh report hrang hrang awm thei turte chu 29.10.2020 (Ningani) 6:30 pm aia tlai lovah Secretary hnenah hriattir ni thei se a lawmawm hle ang.
A hmun: Sunday School Hall.
Member te Mask vuah theuh tur leh a him tawka inhlata awm tum hram hram turin kan inngen lawk e.
STOP PRESS
Tukin 25.10.2020 zingkarah hian STK Office Bearers Emergency meeting neih a ni a. COVID 19 laka inven nana Mizoram Sorkar hmalak dante thlirin 31.10.2020-a STK Committee meeting neih hi a rem lovin hriat a ni a, chuvangin thulh rih phawt ni se, thil ngaihtuah hmanhmawh ngai chu O.B ten lo ngaihtuah leh phawt ni mai se, tih a ni a.
Tin, 8.11.2020-a Envelope chhiar tura rel pawh 15.11.2020 zawkah ni mai se, thawhlawm chhiar pahin thu rel tur tulte chu rel chhunzawm ni mai se, tiin a rel a, hrethiam theuh turin kan inngen e.
5. 11.10.2020 khan Pathian ram tana chhung tinin Envelope-a kan pekte chhiar fel a ni a, hetiang hi hmuh dan a ni:
PRZ, RT leh Buhfaitham (Hqrs-a lut tur): ₹ 1179930/-
KHE, Biak in, R&D, Hunpui, Mission (Tualchhung mamawh) :₹ 882500/-
A vaiin: ₹ 2062430/-
Thla 7 chhunga kan hmuh tawh Za zela chhutin:- 60.24%
Hqrs Target khum mekna: ₹ 272052/-
6. Pathianni hmasa khan kan kohhran member 20 te chuan ringtu Baptisma an chang a, Lalpa Zanriah Sacrament kilho nghal a ni.
STK Thuhla hriattirna group hi chhung tin atangin 1 in join thei ila kan duh hle a. A la join lote join zel turin kan inngen e. Chutih laiin chhungkhata member 1 aia tam kan awm chuan midang kian turin kan leave mai dawn nia.