KOHHRANTE TANA HRIAT TUR PAWIMAWHTE:20th June 2021
Audio
1. Pathianni leh (27/6/2021)-a thuchah sawitu tûr chu Probationary Pastor V.Lalrozuala a ni ang. Pathianni leh hi kum dang ang chu ni se Sunday School kum chanve exam ni tur a ni a. Amaherawhchu Sunday School pawh a huhova neih hleih theih a nih tak loh avangin zirlai bu neite chuan a remchan ang angin mahni pawhin zir hlawm ila kan sawtpui ngeiin a rinawm.
2. Thawhlâwm Envelope chhiar : Vawiin chhun dar 1:30-ah hian Pathian ram tana kan thilpêk Envelope chhiar tum a ni a. STK Committee aiawhin mi tlem deuh zawkin Biak in Hall.-ah chhiar tur a ni ang.
3. Audit chungchang: “STK, STK Sub Committee leh Fellowship te account hi kum chanveah auditor ten an sum awm dan enpuiin a tul apiang inkawhhmuh a ni ang,” tih a ni a. Covid-19 hri leng avangin kuminah hian Half yearly audit chu neih theih lohvah ngaih a ni a. Amaherawhchu Account vawngtuten harsatna kan nei emaw, enpui tulnate a awm emaw a nih chuan Auditor-te hriattir ni se, a tul angin annin an enpui ang, tih a ni e. Chutianga mamawh kan awm chuan Upa Jonathan Lalremruata, Convener, STK Account Audit team 2020-2021 hriattir tur a ni e.
4. Kan kohhran member Upa HL. Liantluanga te chhungkua member 6 te chuan Lunglawna anmahni in lamah min awmsan leh ta a; chutih laiin Dr.David Lalsangliana te chhungkua, member 6, PCI Serchhipa member-te chu an hnathawhna avangin Serkawnah an rawn awm a. Kan kohhranah Associate member atan lawm takin lak luh an ni tih kohhrante kan inhriattir e. Anni hi Chapman Colony-ah an chhungkuain an khawsa mek a ni.
5. Vawiin hi BCM ni pawimawh, “Relief Sunday” a ni a. Tukina Pathian thuchah sawitu hi Rev. R.Lalbiakliana a ni. Chhung tinin hlawkpui theuh turin rilru inhawng takin i ngaithla theuh ang u.
MAIN PAGE
STK Thuhla hriattirna group hi chhung tin atangin 1 in join thei ila kan duh hle a. A la join lote join zel turin kan inngen e. Chutih laiin chhungkhata member 1 aia tam kan awm chuan midang kian turin kan leave mai dawn nia.
(LALRINMAWIA)
Secretary
Serkawn Tualchhung Kohhran.