KOHHRANTE TANA HRIAT TUR PAWIMAWHTE: 20th FEBRUARY 2022

Audio



TUALCHHUNG KOHHRAN THUPUAN TUR (22/02/2022)

Kohhranhote in vaiin Isua Krista hmingin chibai u le. Kohhrante tana hriat tur pawimawhte lo ngaithla leh ila:

1. February thla chhunga Buhfaitham kha Rs 103,540/-(nuai khat sangthum zanga leh sawmli) a ni. Thahnemngai taka buhfaitham hmanga rawngbawltute leh a buaipuitu BKHP te chungah lawmthu kan sawi e.

2. Vawiin chawhnu dar 1 hi Kohhrante Pathian ram tana kan thilpek envelope chhiar fel hun tura ruat kha a ni a. Kan khawtlang hri leng dinhmun leh Red Zone kan la nihnate avangin Tualchhung Kohhran Office Bearers ten chhiar tur a ni ang.

3. Kan Kohhranin Biak in enkawltu kan mamawh thu leh, a dil duh chuan Kohhran Secretary hnenah ziakin 22.2.2022 aia tlai lovah dilna theh luh theih a nih thu kan puan tawh kha kan han sawi nawn leh ni sela. Tum dan chuan ni 23.2.2022-ah STK Special meeting neih a, chutah chuan diltute chu Kohhran Committee hmaah inlan tura tih a ni a. Hemi chungchanga thu chiang zawk chu a tul angin la inhriattir leh kan tum mai dawn nia.

4. Pathianni leh zing inkhawm hi Preaching List-ah ‘Building Pual’ tia dah a ni a. Kumina kan thapui thawhna tur pakhat- Biak in sak chungchang report leh Pathian thuchah sawina hun tura ruahman a ni. Biak inah kan inkhawm theih dawn leh dawn loh tunah puan lawk mai theih a ni rih lo va, a tul angin la inhriattir zel kan tum leh mai dawn nia.

5. Tukin zinga Pathian thuchah sawitu hi Rev. Dr. C.Vanlaldika a ni. Hlawkpui theuh thei turin rilru inhawng takin i ngaithla ang u.



Biak In sak mek Progress Report Tawi


MAIN PAGE


STK Thuhla hriattirna Group-ah tunah hian member 256 awmin kan luah khat mêk a. Kohhran chhûng tinte tâna siam a nih laiin kan leng vek lo deuh a. Chuvângin Group 2-na siam thar a ni. Hêng group 2-ahte hian thu pangngai reng post thin tûr a ni ang. Group-a la tel lo kan kohhran huam chhûngah chhûngkua kan awm chuan tel theuh tûrin kan inbeisei a. Fellowship hrang hrang hruaitu Group hmasaa la tel lote leh tel thar duhte tân a link kan dah hmang hian join theih a ni a. Chuti lo pawhin Admin-te hnênah inhriattir ni se, indah luh zêl kan tum dâwn nia.

  • Whatsapp Link


    (LALRINMAWIA)
    Secretary
    Serkawn Tualchhung Kohhran.