SERKAWN TUALCHHUNG KOHHRAN
PROGRAMME
KUM THAR NI INKHAWM PROGRAMME
10:00 AM, 1st JANUARY, 2021
PROGRAMME:
MISSIONARY-TE KUMTHAR CHIBAI
- Aw Lalpa, i malsawmna hlu
Aw Lalpa, i malsawmna hlu,
Kan engkim chungah a lang;
I thu lo chuan kan nunna hlu,
Kan neih zawng nen a ral ang.
Kan fak a che,
I khawngaihna kan hmuh hian.
Nangma khawngaihna kut ata,
Nunna leh chakkhai tinreng;
Hlobet, pangpar nung tinrengin,
An dawng thin malsawmnate.
Fakna hlate,
I hnenah an hlan kum tluan.
Aw kan Lalpa, engkim Siamtu,
Nangma kut chhuak zawng zawng hian,
Mangan, lungngaiha min vengtu,
Fak tawk lo che mah ila,
Min ensan suh,
I duhzawng min zirtir rawh.
Hunte, nite an ral zel a,
Khawvel thil mawite an chuai;
Kan sualna zawng zawngte Lalpa,
I theihnain a tifai
Hun hmuh kan chak,
I chakna ring zel chung hian.
TAWNGTAI RUALNA
- Pathianin Kum thar 2021 min hruai thlen avangin a hnenah thinlung leh tih takzetin lawmthu i sawi ang u.
- Kum thar ah hian a venhimna i dil ila, a hruaia kan awm theih nan Lalpa Thlarau thianghlim tanpuina i dil ang u.
- Kan nuna fel lo leh sim ngai te a tanpuina a kan paih theih nan i dil ila, Ama tana tangkai zawka nung turin i inhlan thar ang u.
Jeremiah 29: 10 – 11
(Lehlin thar) 10-“Lalpa chuan heti hian a ti: ‘Kum sawmsarih a tlin hunah Babulon ramah chuan ka rawn tlawh ang che u a, in hnêna ka thutiam nghet tak chu ka hlen ang a, he hmunah hian ka hruai kîr leh ang che u.
11-In tâna ka remruat chu keimah chauhvin ka hria,’ tih hi Lalpa thu chhuak a ni. ‘Chhiatna ni lo, thil ṭha in beisei chu in chan theih nân ka ruahman a ni.
(Lehlin hlui) In tana ka remruat chu keimah chauhvin ka hria..tih hi Lalpa thu chhuak a ni. Chhiatna ni lo, thil tha in beisei chu in chan theih nan ka ruahman a ni. (Lehlin thar) Nangni lama ka rilru putzia chu ka inhre si a, in hun hnuhnung tâwpah chuan beiseina pe tur che uin, thil tha lo ni lovin, thatna ka ngaihtuah a sin.
(Lehlin thar) 10-“Lalpa chuan heti hian a ti: ‘Kum sawmsarih a tlin hunah Babulon ramah chuan ka rawn tlawh ang che u a, in hnêna ka thutiam nghet tak chu ka hlen ang a, he hmunah hian ka hruai kîr leh ang che u.
11-In tâna ka remruat chu keimah chauhvin ka hria,’ tih hi Lalpa thu chhuak a ni. ‘Chhiatna ni lo, thil ṭha in beisei chu in chan theih nân ka ruahman a ni.
(Lehlin hlui) In tana ka remruat chu keimah chauhvin ka hria..tih hi Lalpa thu chhuak a ni. Chhiatna ni lo, thil tha in beisei chu in chan theih nan ka ruahman a ni. (Lehlin thar) Nangni lama ka rilru putzia chu ka inhre si a, in hun hnuhnung tâwpah chuan beiseina pe tur che uin, thil tha lo ni lovin, thatna ka ngaihtuah a sin.
THUCHAH
THUPUI: “Pathian thlamuanna in zavaia chungah awm rawh se.”
- Rev.Dr C. Vanlaldika
Audio
-
Thuhmahruai:
Ka rilrua kan thupui lo lan dan tak chu hei hi a ni.
German rama Hitler hoten râwng taka ro an rêl laia Dietrich Bonhoefer Getrapa Tanina a tan laia a tawngtaina ka lo chhiar tawh “By Gracious power so wonderfully sheltered” (Pathian khawngaihna thiltihtheihna chuan mak takin a hum tlat a ni) tih, kum 1997 kuma ka chhiar atang khan ka rilruah tun thlengin a reh hlei thei lo va, “Pathian khawngaihna ropui tak hian hun khirh leh thim lai ber pawh hian a mite chu a khawngaihin a hre reng a, an tawrhnaah a tuar a, an natnaah a na ve zel a ni tih hi ka thinlungah a chiang hle a. Kum rei tak ka lo manghlih deuh tawh chu – tun tuma kum thar thuchahah hian a lo lang chhuak leh a ni. Kum 1944 chhung zawng kha a thiante leh a chhungte hmu phâk hauh lovin tan inah a tâng kumtluan thak a.
Kum 1945 April ni 9-a an khaihlum kum thar nia a tawngtaina a ni. Hun thim leh hun khirh tak hnuaia kun chungin Bonhoefera chuan, “Khawngaihna mak tak maiin min enkawl thin a ni” tiin a tawngtai tlat a ni.
Kan kum hman ral mek, kum 2020 kan thlir kir a. March Ni 22 atangin kan zalen lo tan a. Kan tum ang leh ruahmanna ang reng rengin thil a kal thei ta lo. Khawvel pum, ram hrang hrang kan thlir a, mitthi eng zât nge awm? Covid kai thar eng zat nge awm? Mi eng zatin nge Covid chu thihpui? kan ti a, TV kan en a, chu chu kan zawng a, kan Mobile phone kan en a, chu bawk chu kan zawng a. Kan ram, Mizoramah he hri hi a lo luh ve lohna turin kan tawngtai a, kan dil leh beisei ang lovin, a lo lût ve ta. A tirah chuan contact tracing pawh awlsam takin a tih theih a. Mahse hun a lo kal zel a, contact tracing pawh kan chhui hlei thei ta lo. Kan khawvel pumpui mai chu natna tihbaiawm takin a tuam ta kha a ni a. Zawlnei Jeremian “Muanna kan zawng a; mahse, thil tha eng mah a thleng lo, tihdam hun kan thlir a, ngai teh, thlaphanna mai a lo ni” tia a sawi ang mai khan kan awm a. Covid kai pakhat a awm a, State pumin kan mangang a. A chhan leh vang zawngin kan inpuhmawh tawn a. Social Media-ah thil intihre tak takin thu dêngkhâwng tak tak an ziak a. A hre tam apiang kan ngaisâng a, kan dam tlanna tur khawpa thil hre thûk kan awm si lo kha a ni a. Sawi tur hre em em, sawi loh tur hre si lote kan ni ber mai. Zoram mipuite hian “sawi tur hria kan mamawh laiin sawi loh tur hria pawh kan mamawh tho” tih hi ka lo zir chhuak ve mek a ni. Zoram mipuite hian zir tur kan neih len em em nia ka hriat tâk chu – thil hriat tamah kan intlansiak a, râwntlâk tak tak khawpa thil hre thûk nih lamah kan intlansiak si lo hi a ni. Tun atang chuan knowledge zau nih ai chuan knowledge nei thuk hi kan ram hian a mamawh ber niin ka lo hre ve mai mai a, chu chu kan zirtur pawimawh em em niin ka hre ta. Daniela te hun laia Babulon qualification pakhat, “thil bul chhui thiam” an lo tih te, Tirhkoh Paula’n Rome 13: 11 a sawi “tunlai thil awmzia hriatna” tihte kha a lo pawimawh hle a ni.
Hei, tunah kum thar kan lo chuang kai mek ta. Mi tam tak tan chuan kum 2020 chu tawrhna, lungngaihna leh lusûnna, dam lohna chi hrang hrangin a khat a ni ber a. Hri chhia a lên bâkah lir a nghing chhên mai bawk a. Kum 2020 chhunga thil thleng duhawm lo tak tak avang hian kum thar pawh hi a nghahhlelhawm loh rum rum mai dawn a. A chhan chu eng kum tur nge a nih dawn tumah kan chiang ta lo lehzual a. Kan rilruah eng chhiatna nge lo thleng leh ang? Tu nge cancer ang, tu nge Covid positive ang? Tu nge kan vui liam hmasak ber dawn tihte kan ngaihtuahnaah a lian viau mai thei. “Thuhriltu leh zaipawl zawng zawng an lo reh thuap tawh ang” tih hla ang mai khan, zing tawngtai dar ri bâk biak in dar ri hriat tûr a awm ta lo. Biak in leh Biak in Hall-a Pathian faka zaikhawm thâwm a reh zo ta bawk. Kohhran rawngbawlna peng hrang hrang a châwl thup mai bawk si. Kan inkhawmpui chi hrang hrang pawh kum danga palai kal thei zat aia tlem fê kan kal thei chauh a. Kum 2020 chhunga thil thleng, Covid hri avang hian kum thar han chuankai leh pawh min tiphur lo zo mai thei a, min tihlau viau mai thei bawk. Kum thar chu chuangkai lo mai teh ang ti ngawt dawn ila, kan thi a nih ngawt si loh chuan kan chuangkai chu a ni der bawk si. Khawvela kan hring nun hi chu Pathian tel lo hi chuan eng hun tharah mah hian zuan luh hi a phûrawm hlawl loh a ni e. E, thuhmahruaiah kan châm rei lutuk dawn, kan tum ram lam tunah chuan kan pan tan tawh ang.
Heti ringawt chuan tun kum thar hi kan rap lut tur a ni lo vang. Kum a lo thar ta sa sa, thinlung thar leh thlir dan thar te, beiseina tharte nen he kum thar hi i han hmang dawn ang u hmiang. Kum hlui hrilengin bul tan that leh pawh a tihuphurhawm zo vek emaw min tiphur lo pawh lo ni se, he kum thar kan hmuh leh chhan hi thil pakhat a awm a ni. A chhan chu Pathian kan hnena awm, kan hmahruaitu kan neih vang a ni. Kum 2021-ah eng nge lo thleng dawn tih ngaihdan nei thei lo mah ila – hlawtlinna emaw, hlawhchhamna emaw, hnehna emaw tlawmna te, chhiatna emaw, natna leh thihna nge lo thleng dawn kan hre lo. Nimahsela, hriat chian bal kan nei, chu chu – kan hma lam hun hi chu Pathian kutah a awm a, he kum tharah hian Pathian kan hnenah a la awm reng dawn a, Lal Isua khenbeh kut ngei khan kan banah kaiin min hruai zel dawn a ni tih hi kan chiang a ni. Chuvangin kum thara kan tih tur kan hma chhawpte pawh ti turin inbuatsaih theuh ila, kan hma thar lâk turte pawh bul i tan phat mai ang u. Hetia han sawi tâkah chuan lehkhabu ziaktu pakhat Alan Cohen-a thu ziak pakhat mi hriat chhuahtir a, chu chu hei hi a ni – “Do not wait until the conditions are perfect to begin, beginning makes the conditions perfect” a ti a ni. Mizotawng chuan, “Bul tan turin thil awmdan fel hun nghâk suh, tan tawp mai la; chu i bul tan chuan thil awmdan a siam tha mai ang” tih a ni âwm e. Alan Cohen sawi ang hian kan tih tur bul tan tawp phawt mai ang. Chutichuan thil awmdan chu a tha chho mai turah ngai ang.
Thupui sawifiahna:
Kan Bible chang thlana kan hriat reng tur leh kumin chhunga kan nun khalh kaltu atana ka duh chu hei hi a ni: Kan chang thlan kha chhiar nawn chhiar nawn i la, keimahni lam remruatna ni lovin Pathianin kan hma lam huna kan kal zel nan keimahni tan hian rem tha tak a ruat zâwk a ni tih hi a ni. Aw le:
1. Nangma remruatnaah buai suh, Pathianin eng nge i tan remruat (plan) a neih tih hi ngaihtuah la, ngaithla la, Pathian lamah i beng chhi la. Chutichuan Pathian remruatnain i kal ang a, hri ngaihtuah lovin, lirnghing ngaihtuah lovin, Pathian remruatna chauh chu i nun kaihruaitu ni turin inbuatsaih rawh le. Mat. 6: 31 – 33 kan en chuan Pathianin kan tan remruat fel tak a nei a, chungte chu – kan ei tur, kan chênna tur leh kan silhfente a ni. Hei bâkah hian tui taka kan mut theih nan hriselna a plan sak che a, tui taka chaw i ei theih nan hriselna bawk a plan sak che a ni. I mamawh loh zâwk, rualawh avanga i tlakchham kha Pathianin a ngai pawimawh ber lo tih hria la, Lalpa ngaih pawimawh chu a remruatah kan kal fuh em tih zawk hi a ni.
2. Hagari te nufa tan Pathianin remruatna fel tak a siamsak tih Gen. 16 kan chhiar chuan kan hmu a. Hagari fapa hming chu Ismaela a ni. Chumi awmzia chu “Pathianin a hria” tih hi a ni tawp mai. Hagari chuan Pathian hriat loh thil engmah a awm lo tih a hre chiang a. Pathian remruatah chuan a awm a, Pathian remruat ang chuan chêt chhuah a tum tawp mai a ni. Vantirhkoh nen an inbiak zelnaa a hmuh chhuah chu – “Min hmutu chu ka hmu ve ta a nih hi” El-roi tih hi a ni. Tun kum tharah hian a hmu rengtu che hi hmuh tum ve mai rawh. I thinlung rualawh zâwng kha hmuh tum suh; a hmu rengtu che hi hmuh tum ve mai rawh le.
3. Kan tana thil pawi tak hi chu Pathian tan pawh a lo pawi viau zel a ni tih hriat tlat tur a ni. Chuvangin kan châng thlanah khan “thil tha in beisei chu in chan theih nan” a ti. Pathian hian a mite welfare (thatna tur) a ngaihtuah reng a ni. Hagari te nufaah bawk lêt leh ta ila, An han vahvaih tâkah kha chuan Lalpa’n Hagari a vâkvai tih a hria a, a fapa nausen tuihâl a tap a, Lalpan nausen tap ri/thawm a lo hria a nih kha. Aigupta rama an tan pawhin Israel fate thawhrimzia leh an lungngaih au thawm a hria a. Thuthlung Tharah chuan Mat. 25: 40-ah “heng ka unau tê ber zinga mi pakhat chunga in tih hi ka chunga ti in ni” a ti bawk. Kumin kum thar 2021-ah hian Pathian i hnenah a awm zel ang a, kan tana pawi leh thil tha lo tak chu amah Pathian tan a pawi ve tho a, a tha bik lo tih kan hriat ka duh hle mai.
4. Johana 16: 33 kan en chuan, “Khawvelah hian hrehawmin in awm thin, nimahsela, thlamuang takin awm rawh u” tih kan hmu a. Bung 14: 18-ah chuan, “Fahrahin ka kalsan lo ang che u; in hnenah ka lo kal leh ang a” a tiani. HeilopawhhiVanaalâwndawnaatiamang ngeiin min awmpui a, min chenchilh rengtu tur Thlarau Thianghlim min pe bawk a ni.
Kum 2021 hi kan zavaia tan hun hlimawm tak a nih theih nan A thu kan sawi takte Lalpan malsawm rawh se.
Thuhmahruai:
Ka rilrua kan thupui lo lan dan tak chu hei hi a ni.
German rama Hitler hoten râwng taka ro an rêl laia Dietrich Bonhoefer Getrapa Tanina a tan laia a tawngtaina ka lo chhiar tawh “By Gracious power so wonderfully sheltered” (Pathian khawngaihna thiltihtheihna chuan mak takin a hum tlat a ni) tih, kum 1997 kuma ka chhiar atang khan ka rilruah tun thlengin a reh hlei thei lo va, “Pathian khawngaihna ropui tak hian hun khirh leh thim lai ber pawh hian a mite chu a khawngaihin a hre reng a, an tawrhnaah a tuar a, an natnaah a na ve zel a ni tih hi ka thinlungah a chiang hle a. Kum rei tak ka lo manghlih deuh tawh chu – tun tuma kum thar thuchahah hian a lo lang chhuak leh a ni. Kum 1944 chhung zawng kha a thiante leh a chhungte hmu phâk hauh lovin tan inah a tâng kumtluan thak a.
Kum 1945 April ni 9-a an khaihlum kum thar nia a tawngtaina a ni. Hun thim leh hun khirh tak hnuaia kun chungin Bonhoefera chuan, “Khawngaihna mak tak maiin min enkawl thin a ni” tiin a tawngtai tlat a ni.
Kan kum hman ral mek, kum 2020 kan thlir kir a. March Ni 22 atangin kan zalen lo tan a. Kan tum ang leh ruahmanna ang reng rengin thil a kal thei ta lo. Khawvel pum, ram hrang hrang kan thlir a, mitthi eng zât nge awm? Covid kai thar eng zat nge awm? Mi eng zatin nge Covid chu thihpui? kan ti a, TV kan en a, chu chu kan zawng a, kan Mobile phone kan en a, chu bawk chu kan zawng a. Kan ram, Mizoramah he hri hi a lo luh ve lohna turin kan tawngtai a, kan dil leh beisei ang lovin, a lo lût ve ta. A tirah chuan contact tracing pawh awlsam takin a tih theih a. Mahse hun a lo kal zel a, contact tracing pawh kan chhui hlei thei ta lo. Kan khawvel pumpui mai chu natna tihbaiawm takin a tuam ta kha a ni a. Zawlnei Jeremian “Muanna kan zawng a; mahse, thil tha eng mah a thleng lo, tihdam hun kan thlir a, ngai teh, thlaphanna mai a lo ni” tia a sawi ang mai khan kan awm a. Covid kai pakhat a awm a, State pumin kan mangang a. A chhan leh vang zawngin kan inpuhmawh tawn a. Social Media-ah thil intihre tak takin thu dêngkhâwng tak tak an ziak a. A hre tam apiang kan ngaisâng a, kan dam tlanna tur khawpa thil hre thûk kan awm si lo kha a ni a. Sawi tur hre em em, sawi loh tur hre si lote kan ni ber mai. Zoram mipuite hian “sawi tur hria kan mamawh laiin sawi loh tur hria pawh kan mamawh tho” tih hi ka lo zir chhuak ve mek a ni. Zoram mipuite hian zir tur kan neih len em em nia ka hriat tâk chu – thil hriat tamah kan intlansiak a, râwntlâk tak tak khawpa thil hre thûk nih lamah kan intlansiak si lo hi a ni. Tun atang chuan knowledge zau nih ai chuan knowledge nei thuk hi kan ram hian a mamawh ber niin ka lo hre ve mai mai a, chu chu kan zirtur pawimawh em em niin ka hre ta. Daniela te hun laia Babulon qualification pakhat, “thil bul chhui thiam” an lo tih te, Tirhkoh Paula’n Rome 13: 11 a sawi “tunlai thil awmzia hriatna” tihte kha a lo pawimawh hle a ni.
Hei, tunah kum thar kan lo chuang kai mek ta. Mi tam tak tan chuan kum 2020 chu tawrhna, lungngaihna leh lusûnna, dam lohna chi hrang hrangin a khat a ni ber a. Hri chhia a lên bâkah lir a nghing chhên mai bawk a. Kum 2020 chhunga thil thleng duhawm lo tak tak avang hian kum thar pawh hi a nghahhlelhawm loh rum rum mai dawn a. A chhan chu eng kum tur nge a nih dawn tumah kan chiang ta lo lehzual a. Kan rilruah eng chhiatna nge lo thleng leh ang? Tu nge cancer ang, tu nge Covid positive ang? Tu nge kan vui liam hmasak ber dawn tihte kan ngaihtuahnaah a lian viau mai thei. “Thuhriltu leh zaipawl zawng zawng an lo reh thuap tawh ang” tih hla ang mai khan, zing tawngtai dar ri bâk biak in dar ri hriat tûr a awm ta lo. Biak in leh Biak in Hall-a Pathian faka zaikhawm thâwm a reh zo ta bawk. Kohhran rawngbawlna peng hrang hrang a châwl thup mai bawk si. Kan inkhawmpui chi hrang hrang pawh kum danga palai kal thei zat aia tlem fê kan kal thei chauh a. Kum 2020 chhunga thil thleng, Covid hri avang hian kum thar han chuankai leh pawh min tiphur lo zo mai thei a, min tihlau viau mai thei bawk. Kum thar chu chuangkai lo mai teh ang ti ngawt dawn ila, kan thi a nih ngawt si loh chuan kan chuangkai chu a ni der bawk si. Khawvela kan hring nun hi chu Pathian tel lo hi chuan eng hun tharah mah hian zuan luh hi a phûrawm hlawl loh a ni e. E, thuhmahruaiah kan châm rei lutuk dawn, kan tum ram lam tunah chuan kan pan tan tawh ang.
Heti ringawt chuan tun kum thar hi kan rap lut tur a ni lo vang. Kum a lo thar ta sa sa, thinlung thar leh thlir dan thar te, beiseina tharte nen he kum thar hi i han hmang dawn ang u hmiang. Kum hlui hrilengin bul tan that leh pawh a tihuphurhawm zo vek emaw min tiphur lo pawh lo ni se, he kum thar kan hmuh leh chhan hi thil pakhat a awm a ni. A chhan chu Pathian kan hnena awm, kan hmahruaitu kan neih vang a ni. Kum 2021-ah eng nge lo thleng dawn tih ngaihdan nei thei lo mah ila – hlawtlinna emaw, hlawhchhamna emaw, hnehna emaw tlawmna te, chhiatna emaw, natna leh thihna nge lo thleng dawn kan hre lo. Nimahsela, hriat chian bal kan nei, chu chu – kan hma lam hun hi chu Pathian kutah a awm a, he kum tharah hian Pathian kan hnenah a la awm reng dawn a, Lal Isua khenbeh kut ngei khan kan banah kaiin min hruai zel dawn a ni tih hi kan chiang a ni. Chuvangin kum thara kan tih tur kan hma chhawpte pawh ti turin inbuatsaih theuh ila, kan hma thar lâk turte pawh bul i tan phat mai ang u. Hetia han sawi tâkah chuan lehkhabu ziaktu pakhat Alan Cohen-a thu ziak pakhat mi hriat chhuahtir a, chu chu hei hi a ni – “Do not wait until the conditions are perfect to begin, beginning makes the conditions perfect” a ti a ni. Mizotawng chuan, “Bul tan turin thil awmdan fel hun nghâk suh, tan tawp mai la; chu i bul tan chuan thil awmdan a siam tha mai ang” tih a ni âwm e. Alan Cohen sawi ang hian kan tih tur bul tan tawp phawt mai ang. Chutichuan thil awmdan chu a tha chho mai turah ngai ang.
Thupui sawifiahna:
Kan Bible chang thlana kan hriat reng tur leh kumin chhunga kan nun khalh kaltu atana ka duh chu hei hi a ni: Kan chang thlan kha chhiar nawn chhiar nawn i la, keimahni lam remruatna ni lovin Pathianin kan hma lam huna kan kal zel nan keimahni tan hian rem tha tak a ruat zâwk a ni tih hi a ni. Aw le:
1. Nangma remruatnaah buai suh, Pathianin eng nge i tan remruat (plan) a neih tih hi ngaihtuah la, ngaithla la, Pathian lamah i beng chhi la. Chutichuan Pathian remruatnain i kal ang a, hri ngaihtuah lovin, lirnghing ngaihtuah lovin, Pathian remruatna chauh chu i nun kaihruaitu ni turin inbuatsaih rawh le. Mat. 6: 31 – 33 kan en chuan Pathianin kan tan remruat fel tak a nei a, chungte chu – kan ei tur, kan chênna tur leh kan silhfente a ni. Hei bâkah hian tui taka kan mut theih nan hriselna a plan sak che a, tui taka chaw i ei theih nan hriselna bawk a plan sak che a ni. I mamawh loh zâwk, rualawh avanga i tlakchham kha Pathianin a ngai pawimawh ber lo tih hria la, Lalpa ngaih pawimawh chu a remruatah kan kal fuh em tih zawk hi a ni.
2. Hagari te nufa tan Pathianin remruatna fel tak a siamsak tih Gen. 16 kan chhiar chuan kan hmu a. Hagari fapa hming chu Ismaela a ni. Chumi awmzia chu “Pathianin a hria” tih hi a ni tawp mai. Hagari chuan Pathian hriat loh thil engmah a awm lo tih a hre chiang a. Pathian remruatah chuan a awm a, Pathian remruat ang chuan chêt chhuah a tum tawp mai a ni. Vantirhkoh nen an inbiak zelnaa a hmuh chhuah chu – “Min hmutu chu ka hmu ve ta a nih hi” El-roi tih hi a ni. Tun kum tharah hian a hmu rengtu che hi hmuh tum ve mai rawh. I thinlung rualawh zâwng kha hmuh tum suh; a hmu rengtu che hi hmuh tum ve mai rawh le.
3. Kan tana thil pawi tak hi chu Pathian tan pawh a lo pawi viau zel a ni tih hriat tlat tur a ni. Chuvangin kan châng thlanah khan “thil tha in beisei chu in chan theih nan” a ti. Pathian hian a mite welfare (thatna tur) a ngaihtuah reng a ni. Hagari te nufaah bawk lêt leh ta ila, An han vahvaih tâkah kha chuan Lalpa’n Hagari a vâkvai tih a hria a, a fapa nausen tuihâl a tap a, Lalpan nausen tap ri/thawm a lo hria a nih kha. Aigupta rama an tan pawhin Israel fate thawhrimzia leh an lungngaih au thawm a hria a. Thuthlung Tharah chuan Mat. 25: 40-ah “heng ka unau tê ber zinga mi pakhat chunga in tih hi ka chunga ti in ni” a ti bawk. Kumin kum thar 2021-ah hian Pathian i hnenah a awm zel ang a, kan tana pawi leh thil tha lo tak chu amah Pathian tan a pawi ve tho a, a tha bik lo tih kan hriat ka duh hle mai.
4. Johana 16: 33 kan en chuan, “Khawvelah hian hrehawmin in awm thin, nimahsela, thlamuang takin awm rawh u” tih kan hmu a. Bung 14: 18-ah chuan, “Fahrahin ka kalsan lo ang che u; in hnenah ka lo kal leh ang a” a tiani. HeilopawhhiVanaalâwndawnaatiamang ngeiin min awmpui a, min chenchilh rengtu tur Thlarau Thianghlim min pe bawk a ni.
Kum 2021 hi kan zavaia tan hun hlimawm tak a nih theih nan A thu kan sawi takte Lalpan malsawm rawh se.