KOHHRANTE TANA HRIAT TUR PAWIMAWHTE:1 AUGUST 2021
Audio
Kohhran member zawng zawngte kan Lalpa Isua Krista hmingin chibai kan bûk che u a; Kohhrante tâna hriat tûr pawimawh i lo târlang leh ang u.
1. Pathianni leh (8/8/2021)-a thuchah sawitu tûr chu Rev.Samuel Lalremsanga a ni ang.
2. July, 2021 chhunga Kohhranhoten Pathian ram tana kan thilpek Envelope chu chhiar fel a ni ta a, hetiang hi kan hmuh dan tlangpui a ni:
Pathian ram zauna leh Ramthim (Hqrs-a lut tur) Rs 10,91,570
KHE, Biak in thar, R&D, Hunpui, Mission (Tch) Rs 8,86,970
A vaiin Rs 19,78,540 July thlaa Buhfaithama hmuh Rs 102,210 nen Hqrs-a lut zawng zawng Rs 1,193,780 a ni.
Tun thla bikah hian Hqrs. target kan tlin lohna Rs 106,220 a ni a, April - July (Thla li chhung)a kan pek tur hisap kan phak lohna chu Rs 63,230 a ni.
Envelope 267 sem chhuah atangin 249 (93.25 %) a lo lut.
Covid 19 hripuiin kan ei leh bar zawnna te, kan sum hmuhnate a tibuaiin harsatna kan tawk mek a. Chuti chung pawha Pathian ram tana kan theih ang ang hlim taka kan la pe ve zel thei hi a lawmawm em em a, petu zawng zawngte chungah Pathian hmingin lawm thu kan sawi a ni.
Envelope chhiar leh hun atan 15.8.2021 ruat a ni.
Envelope sem leh lak khawm chungchangah hian kan hripui avang hian kan tih dan pangngaiin a kal hleih theih ta lo va, tuna kan kalpui danah pawh hian duh thu sam lo laite pawh a awm thei ang. Envelope semtu leh lo dawngsawngtuten kan hriat tur pawimawh tak chu, hri inkai darh lo tura fimkhurna dan hrang hrang zawm that hi a ni tih hre reng ila, chutiang atana a khawntu lam leh chhung tinin fimkhur tul kan tihna laite inhrilh hreh lovin a tih dan tha leh remchang i dap tlang zel ang u.
4. Kan kohhran member Samuel Zorinpuia Chapman Colony, s/o C.Lalbiakmawia (L)chu nulat tlangval kawngah a chetsual avangin 30.7.2021 atangin a chungah thununna nghatin phuar a ni.
5. Kohhran member thar :
Pu HD Lalhmingliana te chhungkua member 4 chu BCM Ramlaitui atanga lo pemin kan Kohhranah Permanent member atan lawm takin lak luh an ni. Anni hi Savidge Colony-ah an khawsa mek a ni.
Pu Lalchhanhima Vangchhia, h/o Lalthantluangi, PCI Lamchhip member ni thin chu kan Kohhranah permanent member atan lawm takin lak luh a ni bawk. Ani pawh Savidge colony-a awm an ni.
6. Kan kohhran member damlo mi 7 te kanna turin Rs 9,000/- ruahman a ni.
7. Covid-19 hripui avangin kan buai theuh va. Khaw thenkhat tuar nasa zual deuhte pawh awm a ni a. Chung zingah chuan Pukpui te, Mausen leh Dawn khuate hi Kohhran hmingin tanpui ve ni se, tih a ni a. Rs 30,000/- theuh pek tura ruahman niin, Rs 25000/- chu Covid hripui avanga chhungkaw harsa zualte tanpui nana tih a ni a, Rs 5,000/- chu VLTF ten a tula an hman atan ruahman a ni.
8. Tukin zinga Pathian thuchah sawitu tur hi Upa Lalbiakthanga Chawngthu a ni. Kan vaia kan hlawkpui ngei theih nan rilru inhawng takin i ngaithla theuh ang u.
MAIN PAGE
STK Thuhla hriattirna group hi chhung tin atangin 1 in join thei ila kan duh hle a. A la join lote join zel turin kan inngen e. Chutih laiin chhungkhata member 1 aia tam kan awm chuan midang kian turin kan leave mai dawn nia.
(LALRINMAWIA)
Secretary
Serkawn Tualchhung Kohhran.