KOHHRANTE TANA HRIAT TUR PAWIMAWHTE:17th OCTOBER 2021
Audio
Kohhran member zawng zawngte kan Lalpa Isua Krista hmingin chibai kan bûk leh che u a; Kohhrante tâna hriat tûr pawimawh i lo târlang leh ang u. Biak ina inkhawm kan neih theih loh avangin Kohhran thupuan tur pawimawhte hi Group kaltlang zela tih a ni ta a. Khawngaih takin chhung tinten en/ngaithla ngun a, a tul anga chhungkaw member-te pawh inhrilh chhawng zel hlawm turin kan inngen thar leh a ni. Tin, STK Thuhla hriattirna Group 2-na siam a lo nih tak avangin member tam zawk kan leng ta a. Join thar duhte chuan Group 2-na lamah hmun a la ruak teuh a ni tih kan inhriattir bawk a ni.
1. Pathianni leh (24.10.2021)-a Pathian thuchah sawitu tur chu Rbt. Eric R.Zomuanpuia a ni ang.
2. Vawiin chhun dar 1:30-ah hian October thlaa Pathian ram tana kan thilpek Envelope chhiar tum a ni a. Tualchhung Kohhran O.B. te leh thla hmasa lama chhiartu pangngaite bawkin Committee aiawhin chhiar leh tur a ni ang.
3. October thlaa Buhfaitham atanga kan hmuh chu Rs 101,180/- a ni. BKHP te hian kar tinin Buhfaitham an buaipui thin a, hun harsa hnuaiah pawh an rawn tifel leh thlap zel a, a lawmawm takmeuh a ni. Chutih rualin kohhran chhung tinte, Buhfaitham rawngbawlnaa in thahnemngaihna leh inpeknaah lawmthu kan sawi bawk e.
4. Kan Kohhran member F.Vanlalhriatpuii d/o Pu F.Vannunsanga (L) leh BCM Chanmari kohhran member Solomon Lalpekhlua s/o Lalrinmawia (L) te chu Kohhran Dan puitlinga inneih an duh a. A rem lohna hria chuan sawi theih a ni. An inneih hnuah chuan tu man sawi a rem tawh lo vang. Vawiin hi vawi thum kan puanna a ni.Pi H.Lalthangpuii, Nl Vanlalhriatpuii nu lehkha kan hmu a. A fanute hi 21.10.2021 Ningani Dar 2:00 PM-ah BCM Biak in, Chanmari-ah an innei dawn a. Kan hun tawnin a zir loh avangin Kohhranhote tawngtainaa lo hriatsak tur leh an inneihna hriatpui turin min sawm a ni.
5. Tûn chawlhkâr chhûnga Zing tawngtai inkhâwm hruaitu tûrte:
Thawhtanni : Rev. PC Liandula
Thawhlehni : Pi C.Zirkungi
Nilaini : Rbt.K.Zodinsanga
Ningani : Dr.Irene Colbert
Zirtâwpni : Tv R.Rohmingliana
Inrinni : Rev.Lalremsiama Ralte
Pathianni : Pi Lalrengpuii
6. Pathianni hmasaa kan puan tawh ang khan vawiin hi Special Sunday, NEICC (North East India Christian Council) Day of Prayer a ni a. Tawngtaina tur item Hqrs atanga an rawn thawn, nimina Group-a kan rawn dah tawh kha, a theih ang anga hmangin kohhran chhung tinte hemi puala tawngtaina hmang turin kan insawm a ni. Tukin zinga Pathian thuchah sawitu tûr hi kan Bialtu Pastor Rev.V.Laltlanzuala a ni a, kan hlawkpui ngei theih nân rilru inhawng takin i ngaithla leh theuh ang u.
MAIN PAGE
STK Thuhla hriattirna Group-ah tunah hian member 256 awmin kan luah khat mêk a. Kohhran chhûng tinte tâna siam a nih laiin kan leng vek lo deuh a. Chuvângin Group 2-na siam thar a ni. Hêng group 2-ahte hian thu pangngai reng post thin tûr a ni ang. Group-a la tel lo kan kohhran huam chhûngah chhûngkua kan awm chuan tel theuh tûrin kan inbeisei a. Fellowship hrang hrang hruaitu Group hmasaa la tel lote leh tel thar duhte tân a link kan dah hmang hian join theih a ni a. Chuti lo pawhin Admin-te hnênah inhriattir ni se, indah luh zêl kan tum dâwn nia.
(LALRINMAWIA)
Secretary
Serkawn Tualchhung Kohhran.