KOHHRANTE TANA HRIAT TUR PAWIMAWHTE: 16th May 2021
Kohhran member zawng zawngte kan Lalpa Isua Krista hmingin chibai kan buk che u a; Kohhrante tana hriat tur pawimawh i lo tarlang leh ang u:
1. Thawhlâwm chhiar chungchâng:
May thla chhûng atâna Pathian ram tâna kan thilpêk Envelope vawiinah chhiar theih a ni ta lo va. Pathianin rem a tih chuan Pathianni leh (23.5.2021)
ah hian Envelope chhiar hi neih tum a ni a. Office Bearers te leh Committee member 4/5 ten fimkhur takin an ching fel ang. Bial tinah Bialtute leh chhûngkaw hrang hrangte a remchân anga lo indâwrin, Envelope ruak sem leh a lâk khâwm leh dân thuah Covid hri laka invêng fîmkhur chungin engkim kalpui kan tum theuh dâwn nia.
2. Kan kohhran member mi 7 Covid-19 avânga CCC Zobâwka enkawlte chu dam takin an lo chhuak fel leh ta a, kan lâwmpui êm êm a, Pathian hnênah lâwm thu kan sawi bawk a ni. Tunah hian kan kohhran member 2-te CCC Zobâwkah enkawl leh mêk an ni a. Anni pawh an lo dam leh thuai theihna tûrin Pathian hnênah kohhran-ten i tawngtaipui zêl ang u.
3. Pathianni leh (23/5/2021)-a thuchah sawitu tûr chu Rbt.B.Sîngpâri a ni ang.Pathianni leh hi Thlarau Thianghlim Thlen Ni a ni.
4. Rev.V.Lalthlamuana damlo inenkawl mek tanpui nan kan Kohhran hmingin R&D account atangin Rs 30,000/- pek ve a ni
5. Kan kohhran member Covid 19 vei enkawlte hnenah R&D account atangin mi 1 tan Rs 1000 zel pek a ni a. Tuna mi 2 awm thar lehte pawh hi tanpuina pek tura ruahman a ni.
MAIN PAGE
STK Thuhla hriattirna group hi chhung tin atangin 1 in join thei ila kan duh hle a. A la join lote join zel turin kan inngen e. Chutih laiin chhungkhata member 1 aia tam kan awm chuan midang kian turin kan leave mai dawn nia.
(LALRINMAWIA)
Secretary
Serkawn Tualchhung Kohhran.