KOHHRANTE TANA HRIAT TUR PAWIMAWHTE: 13th FEBRUARY 2022
Audio
TUALCHHUNG KOHHRAN THUPUAN TUR (13/02/2022) Kohhranhote in vaiin Isua Krista hmingin chibai u le. Sorkar thuchhuak angin kan khawtlang chu naktuk 14.2.2022 zanlai thlengin Covid hripui avangin Red Zone-a puan kan la ni a. Kohhran inkhawmte leh Committee meeting neihte a rem loh avangin tukin Pathianniah pawh hian Lockdown laia chhung tinte mahni inah kan inkhawm a, Phone kaltlanga Sermon kan ngaithlak ang khan kan neih leh a tul ta rih a ni. Chumi rualin Kohhrante tana hriat tur pawimawhtelo ngaithla leh ila:
1. BIAK IN ENKAWLTU MAMAWH
BCM Serkawn Tualchhung Kohhran chuan Biak in enkawltu a mamawh a, a dil duh chuan a hnuaia hming ziaktu hnenah 22.2.2022 aia tlai lovah dilna theh luh theih a ni a, 23.2.2022-ah Kohhran Committee hmaah inlan tur a ni ang. Dilnaah chuan a diltu hming, kum, pa hming, veng/khua bakah biak pawh theihna tur number te tarlan tur a ni a, Serkawn Kohhran member ni lo tan mahni lawina Kohhran lehkha pawh thil tel bawk tur a ni. Ruih theih thila fihlim lo tan dil a ngai lo vang.
Lawmman Rs 10,000/- PM, Quarter leh eng chhit man a thlawn a ni ang.
LALRINMAWIA
Secretary,
Serkawn Tualchhung Kohhran
2. Pathianni leha thuchah sawitu tur hi Rev. Dr.C.Vanlaldika a ni a. Biak ina kan inkhawm theih loh chuan online sermon kan tih ang bawk hian thuchah kanbeisei leh ang.
3. Pathianni hmasaa kan puan tawh ang khan kan Bial chhunga kohhran chhung tinte zanin dar 6:30-ah hian Ram tana tawngtaina neih tur a ni a. Tawngtai item turte chu STK Thuhla Hriattirna Group-ah leh Group hrang hrang dangahte nimin lama kan rawn tarlan tawhte kha a ni e.
4. Pathianni leh (Feb 20,2022) hi Pathian ram tana Envelope hmanga kan thilpeklak khawm hun atana ruat a ni a. Inkhawm kan neih theih dawn chuan a theih ang anga inkhawmnaah ken khawm leh tur a ni ang a. Inkhawm kan neih theih dawn loh chuan kan awm dan tur Group kaltlang hian la puanzar leh zel kan tum mai dawn nia.
5. Tukin zinga Pathian thuchah sawitu hi Rev. PC Liandula a ni. Hlawkpui theuh thei turin rilru inhawng takin i ngaithla ang u.
MAIN PAGE
STK Thuhla hriattirna Group-ah tunah hian member 256 awmin kan luah khat mêk a. Kohhran chhûng tinte tâna siam a nih laiin kan leng vek lo deuh a. Chuvângin Group 2-na siam thar a ni. Hêng group 2-ahte hian thu pangngai reng post thin tûr a ni ang. Group-a la tel lo kan kohhran huam chhûngah chhûngkua kan awm chuan tel theuh tûrin kan inbeisei a. Fellowship hrang hrang hruaitu Group hmasaa la tel lote leh tel thar duhte tân a link kan dah hmang hian join theih a ni a. Chuti lo pawhin Admin-te hnênah inhriattir ni se, indah luh zêl kan tum dâwn nia.
(LALRINMAWIA)
Secretary
Serkawn Tualchhung Kohhran.