KOHHRANTE TANA HRIATTUR PAWIMAWH: 11th October, 2020

1. Kan khawvelin harsatna lian tak a tawk mek a, Covid19 avangin kohhran hote kan tih thin angin Pathian Biak inah kan inkhawm theilo a. Hemi chhung hian Kohhran chhung tinte mahni in lama chhungkua a Pathian chibai bukna tha tak nei turin kan in ngen a ni. Pathianni Zing Programme phei chu kan kohhrana chhungtin te'n a inang tlanga kan hman tur programme kan han siam a, chhungkaw tam takin tha takin in hmang thin tih kan hria a, tha taka hmang áš­heuh turin kan inngen a ni.

2. Vawiin Pathianni 11 Oct, 2020 hi Pathian ram Envelope lakkhawm hun alo ni leh ta a, Chawhnu dar 1:30 ah Biak in hall ah chhiar fel tur a ni ang. Lo la pe remchang hmanlo te tan pawh Bialtu Upa/Rbt hnenah leh a chhiarna hmunah pek luh theih zel a ni e.

3. Kan kohhran member Ringtu Baptisma chang tura inbuatsaih mek mi 20 kan nei a, an zirtirtu ten zirtirna ngawrh taka an pek bakah a hun taka baptisma an chan theih nan kawng hrang hrangin an buaipui a, Pathianin rem a tih chuan Pathianni leh Ni 18 Oct, Chawhnu dar 1:00 ah Biak Inah Baptisma Bialtu Pastor Rev V Laltlanzuala'n a chantir ang.

4. Tualchhung Kohhran Committee in ti tura a ruat angin Programme Committee chuan Zing Tawngtai Inkhawm tan hun tur a bituk fel ta. A hnuaia mi ang hian hun engemaw chhung chu kalpui tur a ni ang.

5:30 AM :APRIL - SEPTEMBER THLA 6 CHHUNG
5:45 AM :MARCH & OCTOBER THLA 2 CHHUNG
6:00 AM :NOV - FEB THLA 4 CHHUNG

5. Serkawn Pastor Bial chhunga kohhran hrang hrang member awm dan Bialtu Pastor report helai hian a download theih e. Serkawn Bial Stats



STK Thuhla hriattirna group hi chhung tin atangin 1 in join thei ila kan duh hle a. A la join lote join zel turin kan inngen e. Chutih laiin chhungkhata member 1 aia tam kan awm chuan midang kian turin kan leave mai dawn nia.

  • Whatsapp Link


    (LALRINMAWIA)
    Secretary
    Serkawn Tualchhung Kohhran.