Serkawn.org

Tun hnaiah kan veng chhung atangin zirna lama hlawhtling tak tak leh mi chhuanawm tak tak te an awm leh ta a, a lawmawm hle mai. Darthlalangah a lang tho nachungin, frontpage-ah hian dah chhuah atan a tha tlat.

Carolyn Lalbiaktluangi d/o Dr. K. Vanlallawma (Section-III) chuan B.Sc.(Botany) Distinction-ah St. Edmund College, Shillong atangin a pass a. NEHU hnuaiah topper a ni bawk.

H.Laldinmawii d/o Rev. H. Sangchema (Section-II) chuan HATIM, Lunglei atangin BCom I Division-ah a zo.

Baby Lalrosangi d/o Rev. P.C. Liandula (Section-III) chuan B.Ed. II Division-ah a pass bawk.

Zirlai ti tha, result chhuanawm tak tak nei te kan lawmpui tak zet che u. In kal zel na ah duhsakna kan hlan nghal bawk che u a ni.

Rev.Dr. CL Hminga (Section-IV) pawhin Scout chawimawina sang ber Elephant Award a dawng bawk a. Hetiang chawimawina sang dawng thei leh dawng phak kan veng pa hlun leh ropui hi kan chhuang tak zet a ni.

Hei le..Damdawiin peng kawng laih thar chu le…

Zosap Missionary te hun laia Baptist Mission Compound, Serkawn a phun, Fir thing kum 100 chuang a upa chu Kawngpui zauh a nih dawn avangin January 15, 2010 – Chawhma dar 11:00 khan kih a, senghawi a ni ta.

He Fir chanchin hi hre thuk tak an awm lo niin a lang a. Hriat theih chinah chuan Serkawn-a Zo sap Missionry awm hmasa, Sap Upa leh Pu Buanga te phun niin an sawi a. Kum 100 zet ni tawh-a ngaih a ni bawk. He Fir hi Christian Hospital peng thuam lai takah awmin Serkawn TKP te leh YMA ten vawi engemawzat chu Krissmas Tree atan an lo chei tawh thin a, duat taka enkawl a ni bawk.

A kung bul (Beneath) hi Concrete-in hung kual a ni a, a hung kualna-ah chuan Damdawiin tlawh tu te leh mi veivakte thut theihna turin Step chhawnga siam kual a ni a. Mi tam takin he Fir thing daihlim hi an lo bel thin a. Nitin mi za chuangin hahchawlh nan an hmang thin a ni.

Hetia kih thluk leh senghawi a lo nih takah chuan lung a ti lengin a uihawm hle a. Amaherawhchu hmasawnna hian kan thil ngaihhlut tak tak te pawh a khawih tel lo thei thin si lo va, ui tak leh ngai tak chungin kan thlahliam ta a ni e.